Hunter Biden akuzohet se ka borxh mbi 300,000 dollarë qira të papaguar

Pas një faljeje pa kushte nga babai i tij, presidenti amerikan Joe Biden, Hunter Biden po përballet me akuzat se u detyrohet ish-pronarëve të tij më shumë se 300 mijë dollarë qira të papaguar, shkruan “Fox Business”.

Sean Maguire, një partner në firmën e kapitalit të sipërmarrjes Sequoia, iu përgjigj lajmit për faljen e Hunter Biden duke pretenduar në mediat sociale se djali i presidentit i detyrohet qindra mijëra dollarë qira të papaguar.

“Pra, çfarë ndodh me mbi 300,000 dollarët e qirasë që Hunter Biden i detyrohet familjes sime nga 2019-2020? A është falur tani? Faleminderit Joe”, shkroi Maguire në një postim në rrjetin “X”.

Të dielën, Presidenti Biden nënshkroi një “falje të plotë dhe të pakushtëzuar” për djalin e tij Hunter, duke mbuluar krimet federale që ai kreu ose mund të ketë kryer midis 1 janarit 2014 dhe 1 dhjetorit 2024.

Hunter Biden është përballur me akuza federale për evazion fiskal, si dhe një rast në lidhje me gënjeshtra për problemet e tij të abuzimit me drogën në një kontroll të historisë së armëve të zjarrit.

Presidenti Biden tha më parë se nuk do ta falte djalin e tij.