Mickoski: Pres përfundimin e të paktën tre projekteve infrastrukturore

Kryetari i Qeverisë së Republikës së Maqedonisë së Veriut, Hristijan Mickoski, sot duke iu përgjigjur një pyetjeje gazetareske për projektet e shumta infrastrukturore të nisura, se a mund të pritet përfundimi i ndonjërit prej tyre së shpejti, informoi se pritet përfundimi i të paktën tre projekteve infrastrukturore.

“Po, pres. Pres të paktën tre dhe së shpejti do të informohet opinioni maqedonas. Një punë shumë e mirë që askush nuk e vuri re, por po kalon këto ditë, janë dy investime të mëdha kapitale që më në fund u zhbllokuan, rreth njëqind milionë euro në fushën e energjetikës dhe energjisë së gjelbër. “Parku Diellor” në Manastir dhe “Parku me Erë” Bogdanci 2, një projekt që nuk është realizuar për shtatë vite. Më duhet të pranoj, veçanërisht për “Parkun me Erë” Bogdanci 2, siç e lamë si udhëheqësi në atë kohë në ELEM, ashtu e gjetëm, vetëm me pak më shumë pluhur dhe tani këto ligje sërish kaluan në Kuvend.

Rreth njëqind milionë euro janë energji e gjelbër dhe e dini që nga data 01.01.2026, të gjithë ata që do të eksportojnë në Bashkimin Evropian do të duhet të kenë burim të energjisë elektrike të cilën e përdorin në procesin e tyre të prodhimit të jetë e gjelbër.

Nëse nuk është, do të paguajnë taksa dhe kjo na obligon sipas planit për rritje. Prandaj është shumë e rëndësishme që gjithçka që po bëjmë, po bëjmë duke zhbllokuar proceset çdo ditë. Ja edhe sot, këto 500 milionë që morëm për të shlyer borxhet më 25 janar. Presim që mes datave 9 dhe 10 të mbërrijnë për të shlyer borxhet. Kursyem të paktën 200 milionë dhe nëse do të lëshonim obligacion eurobond me normë interesi, ajo sigurisht do të ishte mbi gjashtë për qind. Duhet të luftojmë për Maqedoninë dhe për qytetarët maqedonas. Kjo është politika jonë e përditshme,” deklaroi kryeministri Mickoski.