Në një vit në Nigeri – 2.2 milionë njerëz u rrëmbyen, 77 për qind ishin myslimanë

Ne mbarë vendin midis majit 2023 dhe prillit 2024, sipas një raporti të publikuar nga Zyra Kombëtare e Statistikave e Nigerisë (NBS), transmetuar nga portali All Africa.

Këto të dhëna u publikuan të martën në raportin “Hulumtimi mbi Krimin dhe Perceptimin e Sigurisë (CESPS) 2024”, i bazuar në sondazhe të kryera gjatë periudhës së përmendur.

Sipas raportit, 2.2 milionë nigerianë janë rrëmbyer në të gjithë vendin dhe janë paguar gjithsej 2.2 trilion naira (1.3 miliard euro) shpërblime për lirimin e tyre, me një mesatare prej 2.7 milionë naira (1652 euro) për rrëmbim.

Raporti tregon gjithashtu se shkalla e vrasjeve ishte më e lartë në zonat rurale me 335,827 incidente, ndërsa në zonat urbane janë regjistruar 279,110 raste.

Ekspertët theksojnë se, pavarësisht nga rrëmbimet e individëve të shquar, njerëzit e varfër nga fshatrat janë ata që vuajnë më shumë.

Analiza e raportit sipas zonave tregon se veriperëndimi i Nigerisë regjistroi numrin më të lartë të vrasjeve (206,030), i ndjekur nga verilindja (188,992), ndërsa më pak raste janë regjistruar në jugperëndim (15,693). Veriperëndimi dhe verilindja janë rajone kryesisht të banuara nga myslimanë, ku zbatohet edhe ligji i sheriatit. Ndërkohë, në jug të vendit, popullsia është kryesisht ose plotësisht e krishterë.

Sipas raportit, rreth 70 për qind e familjeve kanë raportuar raste vrasjesh në polici. Nga familjet e anketuara, 33 për qind thanë se autori ishte një person i panjohur, 23.4 për qind raportuan se vrasësi ishte anëtar i familjes, dhe 1 për qind thanë se autori ishte bashkëshorti/partneri.

Raporti tregon se 1,668,104 persona janë rrëmbyer në zonat rurale, ndërsa 567,850 në zonat urbane. Veriperëndimi ka numrin më të lartë të rrëmbimeve (1,420,307), i ndjekur nga rajoni qendror-verior (317,837), ndërsa rajoni juglindor regjistron më pak raste (110,432).

Ndër rastet e raportuara të rrëmbimeve, 82.1 për qind e të rrëmbyerve janë liruar, 12.8 për qind janë vrarë, 3.3 për qind vazhdojnë të mbahen kundër vullnetit të tyre, dhe 1.3 për qind janë ende të pasigurta. Nga 1.3 miliard euro të vlerësuara si shpërblime të paguara, veriperëndimi regjistron shumën më të lartë prej 734 milionë eurosh, ndërsa juglindja ka paguar më pak, me 520 milionë euro.

Në zonat urbane, shpërblimet kanë qenë mesatarisht 2264 euro, ndërsa në ato rurale mesatarja ishte 1407 euro.

As presidenca dhe as shërbimet e sigurisë nuk kanë komentuar ende raportin, ndërsa policia dhe ushtria nuk janë shprehur zyrtarisht.