Osmani mungon në Konferencën e Ambasadorëve, refuzoi apo nuk e ftuan?

Ministria e Punëve të Jashtme dhe Diasporës, organizon edicionin e 7-të të Konferencës së Ambasadorëve.

Në ceremoninë e hapjes, të pranishmëve do iu drejtohen me fjalë rasti kryeministri i Republikës së Kosovës, Albin Kurti, zëvendëskryeministrja dhe ministrja e Punëve të Jashtme dhe Diasporës, Donika Gërvalla dhe kryetarja e Komisionit për Politikë të Jashtme, Arbëreshë Kryeziu.

LEXO EDHE:
Krime Lufte ndaj civilëve/ Prokuroria Speciale e Kosovës ngre aktakuzë për 5 persona
Konferenca mbahet në njërin nga hotelet në Prishtinë, duke filluar nga ora 10:00. Megjithatë, ajo që vërehet të paktën sipas ftesës të cilën MPJD i ka dërguar mediave, është mungesa e presidentes Osmani.

Ajo ka marrë pjesë në konferencën e 6 të ambasadorëve, siç kanë marrë pjesë në konferencat e më hershme edhe presidenti Hashim Thaçi dhe Atifete Jahhjaga.

Por duket që prishja e raporteve në mes Kurtit dhe Gërvallës me presidenten Osmani, ka ndikuar që kjo e fundit mos të jetë në këtë konferencë. Megjithatë, kjo mbetet të vërtetohet edhe gjatë ditës.