Scholz: Sulmuesi në tregun e Krishtlindjeve do të hetohet në detaje

Kancelari gjerman Olaf Scholz ka folur për personin që u arrestua si i dyshuar për sulmin në tregun e Krishtlindjeve në Magdeburg.

Para mediave, derisa ishte për vizitë në vendin e ngjarjes, ai u shpreh se sulmuesi do të hetohet në detaje.

“Është e rëndësishme të hetojmë në detaje me saktësi të madhe se çfarë ka ndodhur. Do të hetojmë në thellësi autorin”.

Scholz tha se është e rëndësishme që “të qëndrojnë të bashkuar”.

“Ne nuk duhet të lejojmë ata që duan të mbjellin urrejtje ta bëjnë këtë”, shtoi ai, shkruan BBC, transmeton Klankosova.tv