Izraeli merr emrat e pengjeve për t’u liruar

Izraeli ka marrë emrat e pengjeve që do të lirohen në ditën e parë të armëpushimit të planifikuar midis Hamasit dhe Izraelit, raporton Channel 12 i Izraelit.

Vetëm pak çaste më parë, një zyrtar i Hamasit i kishte thënë Reuters se emrat e pengjeve izraelitë që do të liroheshin do të jepeshin së shpejti.

Hamasi ka publikuar emrat e tre pengjeve izraelitë, që do të lirohen në ditën e parë të zbatimit të marrëveshjes së armëpushimit në Gaza.

Njëra prej tyre është një shtetase britanike e quajtur Emily Damari.

Dy emrat e tjerë janë Romi Gonen dhe Doron Steinbrecher.