Lëviste i armatosur dhe me lëndë narkotike, arrestohet 50 vjeçari! E pëson dhe shoku i tij, ja akuzat që rëndojnë ndaj tyre

I dënuar më parë për armëmbajtje, lëndë narkotike dhe vjedhje, arrestohet sërish një 50 vjeçar në Tiranë, pasi lëvizte i armatosur.

Në pranga nuk ka rënë vetëm 50 vjeçari, i identifikuar me inicialet E.G., por gjithashtu edhe drejtuesin e mjetit me të cilin po qarkullonin, shtetasin M.D., 40 vjeç.

Ky i fundit akuzohet për “Moskallëzim krimi”, ndërsa miku i tij për “Armëmbajtja pa leje” dhe “Prodhim dhe shitja e narkotikëve” .

Materialet procedurale i kaluan Prokurorisë, për veprime të mëtejshme.

Njoftimi i policise

Goditet një tjetër rast i armëmbajtjes pa leje nga Forca e Posaçme “Shigjeta” si rezultat i kontrolleve të befasishme, bazuar dhe në planin e masave, për goditjen e paligjshmërisë në çdo fushë të saj.

Finalizohet nga Forca e Posaçme “Shigjeta” dhe Komisariati i Policisë Nr.2, operacioni policor i koduar “Again” .

Lëvizte i armatosur me armë zjarri pistoletë dhe lëndë narkotike si pasagjer në automjet, vihet në pranga 50-vjeçari.

50-vjeçari, i dënuar disa herë për armëmbajtje, për lëndë narkotike dhe për vjedhje me dhunë.

Në pranga bie dhe drejtuesi i automjetit për moskallëzim krimi.

Sekuestrohet arma e zjarrit, lënda narkotike si dhe automjeti.

Shërbimet e Forcës së Posaçme “Shigjeta”, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar në planin e masave si dhe në informacionet e siguruara në rrugë operative se dy shtetas po lëviznin të armatosur, në automjet, në rrugën “Ramazan Demneri”, kanë organizuar dhe finalizuar operacionin policor të koduar “Again”, për kapjen e tyre.

Gjatë operacionit, shërbimet e Policisë kanë ndaluar automjetin tip “Volksëagen”, me drejtues shtetasin M. D. dhe pasagjer shtetasin E. G.

Gjatë kontrollit fizik të shtetasit E.G, shërbimet e Policisë “Shigjeta” gjetën e sekuestruan një armë zjarri pistoletë, municion luftarak dhe një sasi lëndë narkotike kanabis.

Në vijim të veprimeve procedurale, nga specialistët për Hetimin e Krimeve të Komisariatit të Policisë Nr.2 u arrestuan në flagrancë shtetasit: E.G, 50 vjeç, për veprat penale “Armëmbajtja pa leje” dhe “Prodhim dhe shitja e narkotikëve” si dhe M.D, 40 vjeç, për veprën penale “Moskallëzim krimi”.

Materialet procedurale i kaluan Prokurorisë, për veprime të mëtejshme.