Neymar ëndërron bashkimin me Messin, ndërsa pajtohet me Ronaldon për Ligue 1

Sulmuesi brazilian, Neymar ka thënë se ribashkimi me ish-shokët e skuadrës së Barcelonës, Lionel Messi dhe Luis Suarez në Inter Miami është një ide interesante dhe nuk e ka përjashtuar një lëvizje në SHBA pas skadimit të kontratës së tij me Al Hilal.

Dikur një nga sulmuesit më tw mirw të futbollit, Neymar luajti me Messin dhe Suarezin për të udhëhequr Barcelonën drejt trofeve historike përpara se të transferohej në Paris Saint-Germain në vitin 2017 për një rekord prej 222 milionë euro.

“Sigurisht që do të ishte e mrekullueshme të luaja sërish me Messin dhe Suarezin. Ata janë miqtë e mi, ne jemi ende në kontakt shpesh”.

“Do të ishte interesante të ringjallja atë treshe. Jam i lumtur në Al Hilal, jam i lumtur në Arabinë Saudite, por kush e di. Futbolli është plot surpriza”, deklaroi Neymar për CNN.

Neymar ka luajtur vetëm shtatë herë për Al Hilal që nga transferimi i tij prej 90 milionë eurosh nga PSG në 2023 pasi lëndimet e mbajtën jashtë për periudha të gjata. Kontrata e tij aktuale skadon në qershor.

Ai kaloi gjashtë sezone në PSG, duke shënuar 118 gola, por megjithë suksesin e madh në vend, nuk arriti të fitonte sërish Ligwn e Kampionwve me klubin francez, përpara se të largohej për në Ligën Saudite Pro.

“Kur doli lajmi se po largohesha nga Paris Saint-Germain, afati i transferimeve u mbyll në Shtetet e Bashkuara, kështu që nuk e kisha atë mundësi. Projekti që më ofruan ishte shumë i mirë, jo vetëm për mua, por edhe për familjen time, kështu që të shkoja në Arabinë Saudite ishte alternativa më e mirë”, shtoi 32-vjeçari Neymar.

Së fundmi, Cristiano Ronaldo ka deklaruar se liga saudite është më e fortë se ajo franceze. Neymar u pajtua me këtë mendim.

“Unë mendoj se liga saudite është më e fortë se ajo franceze për momentin. Ligue 1 ka anët e saj pozitive. Ligue 1 është shumë e fortë. Kam luajtur në të, kështu që e njoh mirë. Megjithatë, sot me lojtarët qw ka Arabia Saudite më befasoi në një kuptim pozitiv, mendoj se është një vend që po rritet vazhdimisht”, deklaroi Neymar.