Real Madridi për herë të 15-të mbret i Evropës

Gjatë vitit 2024, Real Madridi një tjetër moment historik në futboll duke fituar Ligën e Kampionëve pas një ndeshjeje të paharrueshme kundër Borussia Dortmundit në finale.

Finalja, e zhvilluar në një atmosferë elektrizuese në “Wembleyn” e mbushur plot me tifozë nga e gjithë bota, u shqua për intensitetin dhe emocionet që ofroi nga fillimi deri në fund.

Skuadra madrilene, e udhëhequr nga trajneri legjendar, Carlo Ancelotti dhe me një ekip të mbushur me yje, tregoi një performancë të shkëlqyer si në aspektin taktik ashtu edhe në atë fizik.

Dortmund, një kundërshtar i njohur për energjinë dhe shpirtin luftarak, i vuri Realit shumë sfida gjatë lojës, duke e bërë ndeshjen të jashtëzakonshme.

Me këtë fitore, Real Madridi e shtoi një tjetër trofe të Ligës së Kampionëve në koleksionin e tyre të pasur, duke forcuar pozicionin e tyre si klubi më i suksesshëm në historinë e kësaj gare prestigjioze.

Fitorja ishte një dëshmi e vazhdimësisë së suksesit të klubit dhe një simbol i përkushtimit të tyre ndaj përsosmërisë në futboll.

Tifozët e Realit festuan me madhështi këtë moment historik, duke përmbyllur një sezon të paharrueshëm për klubin e tyre të zemrës, pasi paraprakisht kishin fituar edhe titullin e kampionit në La Liga.

Liga e Europës gjithashtu dhuroi një sezon historik. Kjo, pasi që Atalanta arriti ta fitonte titullin e parë ndërkombëtar.

Një performancë e shkëlqyer e ekipit të drejtuar nga Gasperini dhe me shpërthimin e Ademola Lookman me hat-trik, arriti ta mposhtte në finale 3:0 Bayer Leverkusenin e Granit Xhakës, që po ashtu përjetoi sezonin më të mirë në histori.

Në Ligën e Konferencës, ekipi italian, Fiorentina e përjetoi zhgënjimin e dytë radhazi në finale.

Pasi u mposht paraprakisht në finalen e sezonit të kaluar, këtë herë, “Viola” pësoi minimalisht 1:0 në vazhdime nga Olympiacos.

Për ekipin grek, ky ishte titulli i parë.

Ndërkohë, nga sezoni 2024/25 ka ndryshuar formati i garave evropiane dhe nuk ka më grupe, por do të jetë një ligë e përbashkët.