Stadiumi që u kthye në gërmadhë i Valencias, pritet të rinovohet nga ky vit

Disa nga stadiumet më të mirë të futbollit në botë janë kthyer në “stadiume fantazmë” për vite me radhë, pavarësisht planeve për ta bërë më të mirët në botë, tashmë duken si gërmadha

Puna për një stadiumet futbollit që i përket një prej gjigantëve të rënë të Europës pritet të rifillojë pas shumë vitesh.

Jashtë klubeve si Barcelona, Real Madrid, Atletico Madrid dhe Sevilla, Valencia është një nga klubet më të mëdha në futbollin spanjoll, me gjashtë tituj të La Ligës, tetë trofe të Copa del Rey dhe dy paraqitje në finalet e Ligës së Kampionëve në vitet 2000 dhe 2001.

Klubi ka pasur yje të mëdhenj si David Silva, David Villa dhe Juan Mata, por ka përjetuar një rënie të madhe kohët e fundit dhe aktualisht ndodhet në fund të tabelës së La Ligës pas 19 ndeshjesh.

Me vetëm dy fitore dhe 13 pikë deri tani, Los Che kanë sjellë ish-trajnerin e West Brom, Carlos Corberan, në përpjekje për të shmangur rënien fatale në kategorinë e dytë.

Por, pavarësisht situatës së tyre të vështirë, Valencia po vazhdon me planet për një stadium të ri – 16 vite pasi filluan punimet për të.

Nou Mestalla u premtua të ishte “stadiumi më i mirë i futbollit në botë” dhe ishte listuar si një nga vendet e mundshme për finalen e Ligës së Kampionëve 2010, e cila përfundoi duke u mbajtur në Santiago Bernabeu.

Pas borxheve që klubi akumuloi prej 350 milionë funte deri në vitin 2008, ata u detyruan ta ndalonin projektin. Por me themelin që ende ekziston në vendin që ndodhet 4 kilometra larg stadiumit ikonik të Valencias, puna tani pritet të rifillojë pasi klubi njoftoi planet në rrjetet sociale të shtunën.

Sipas një raporti nga The Sun, Valencia thuhet se do të marrë një kredi prej 270 milionë £ nga Goldman Sachs për të mbuluar financat e nevojshme, me idenë që do të fillojnë ta paguajnë mbrapsht në vitin 2027 gjatë një periudhe prej 20-25 vitesh.

Kapaciteti pritet të jetë 70,044 vende, një rritje prej 20,000 vendesh nga stadiumi aktual – me presidentin e Valencias, Lay Hoon Chan, që e quajti stadiumin një “monument” dhe një “fener shprese” për qytetin.

3,000 vende për mikpritje janë propozuar për projektin, i cili po mbikëqyret nga i njëjti kontraktor i rënë dakord fillimisht 18 vite më parë.

Valencia shpreson që stadiumi të jetë gati për sezonin 2027/28 dhe ka madje një shans që mund të bëjë një ofertë të vonë për të pritur ndeshje në Kupën e Botës 2030.