Ushtria izraelite sulmon një familje palestineze në veturë, vritet shoferi!

Një seri e videove shfaqin momentin kur një veturë brenda të cilës gjendej një familje palestineze në Bregun Perëndimor, sulmohet nga izraelitët në qytetin Jenin.

Të paktën shtatë plumba dëgjohen duke u shkrepur mbi pasagjerët – përfshirë fëmijët që shihen në video që gjendeshin brenda veturës Kia e cila më pas përplaset në skaj të rrugës.

Wadah Soubeh që ishin brenda veturës tha se kushëriri i tij 43-vjeç, Ahmed al Shayeb që ishte duke vozitur, është vrarë në këtë sulm, transmeton Telegrafi.

Kamera e vendosur në xhamin e përparmë, ka filmuar atmosferën brenda veturës dhe kaosi i krijuar pas të shtënave.

Ushtria izraelite ka filluar një operacion të madh ushtarak në Jenin gjatë të martës, dhe njoftoi se forcat e saj janë në një “operacion kundër terrorizmit” në atë zonë.