35 vjeçari nga një fshat i Tetovës mashtrohet për 5 mijë euro për blerjen e një automjeti

Me datë 25.02.2025 në ora 17:40 në SPB Tetovë, një 35 vjeçar nga një fshat i Tetovës, menaxher në person juridik, ka raportuar se është mashtruar nga një person nga Republika Federale e Gjermanisë për shumën prej 5.000 euro. Sipas njoftimit, ata kanë komunikuar në rrjetet sociale për blerjen e një automjeti dhe pasi kanë rënë dakord për çmimin, personi i ka kërkuar që të paguajë gjysmën e shumës në llogarinë e tij për të mbajtur rezervimin. Siç raportohet, më datë 24.02.2024, përmes një transaksioni bankar, ai ka paguar paratë, pas së cilës nuk ka mundur më të kontaktojë me personin dhe ka kuptuar se ishte mashtruar. Po merren masa për zbardhjen e rastit. TS