Aksidentohet autobusi me 44 persona në Turqi, raportohet për katër të vdekur

Një autobus është aksidentuar në Genç të Turqisë, duke lënë katër të vdekur.

Guvernatori i vendit, Ahmet Hamdi Usta tha se në autobus gjendeshin 44 persona, shkruan CNN Turk.

“Sipas njoftimeve fillestare, katër qytetarë tanë kanë humbur jetën. Tre prej tyre ndodhen nën autobus, ndërsa një ka ndërruar jetë në Spitalin Shtetëror të Gençit. Aktualisht po përpiqemi të nxjerrim autobusin nga gropa dhe të nxjerrim çdo qytetar të plagosur apo të vdekur që ndodhet nën të”, tha guvernatori para mediave.