Eurointegrimet! Rokas: Ndryshimet kushtetuese janë fakt!
Ndryshimet kushtetuese janë fakt. Jemi të vetëdijshëm se kjo është një çështje që qeveria aktuale dëshiron ta zgjidhë me garanci të dhe se nuk do të ketë bilateralizim të procesit – thotë ambasadori i BE-së në vend Mihalis Rokas, gjatë një interviste për televizionin publik të vendit.
Rokas tha se procesi i integrimit europian është i bazuar në merita dhe se kriteret e Kopenhagës dhe kuadri ligjor i BE-së përfshijnë të drejtat e pakicave, veçanërisht planin e veprimit për minoritetet, i cili duhet të jetë i pranishëm.
MIHALIS ROKAS-AMBASADOR I BE-SË NË RMV
– Prandaj besoj se duhet t’i japim hapësirë diplomacisë për të dhënë rezultate, dhe në të njëjtën kohë, nuk duhet të humbasim fokusin, sepse momenti është këtu, mundësia është këtu dhe fondet janë të disponueshme. Ne duhet të sigurohemi që të shtypim vazhdimisht pedalin e gazit kur bëhet fjalë për reformat që duhen zbatuar, sepse këto reforma përmes agjendës së reformave ose përmes planit të rritjes janë të nevojshme. Dhe pikërisht këtë presin qytetarët e vendit, tha Rokas.
Ambasadori i BE-së thotë në intervistë se e kupton plotësisht zhgënjimin dhe se popullata e Maqedonisë së Veriut është lodhur duke pritur 20 vjet. Por ai shton se do t’i përmbahet qëllimit që ka deklaruar kur ka mbërritur në vend, duke theksuar se situata këtë herë është dukshëm e ndryshme.
MIHALIS ROKAS-AMBASADOR I BE-SË NË RMV
– Së pari, ne kemi një moment të ri për zgjerim. Imperativët gjeostrategjikë e kanë bërë domosdoshmëri zgjerimin, diçka që duhet të ndodhë. Dhe ne kemi gjithashtu planin e rritjes së BE-së dhe axhendën e reformave përkatëse. Kështu do të ndodhë integrimi gradual i Maqedonisë së Veriut në BE, veçanërisht në tregun e brendshëm. Por kemi edhe atë që tha presidentja jonë Ursula Von Der Leyen kur erdhi në Shkup tre muaj më parë, kur dërgoi një mesazh shprese. Nga njëra anë, ajo theksoi se ka ende një pengesë që duhet kapërcyer, ndryshimet kushtetuese për të cilat është angazhuar vendi. Por ajo është e bindur se përmes punës së përbashkët, dialogut dhe bashkëpunimit do ta kapërcejmë këtë pengesë, theksoi Rokas.
Ambasadori i BE-së shprehet i bindur se procesi i integrimit evropian në vendit do të jetë i suksesshëm, duke theksuar se ka shumë përfitime nga anëtarësimi.
