Faturat e larta për rrymën elektrike/ Qytetarët: Shteti të reagojë ndaj EVN-së, nuk përjashtojmë protestat!

EVN revolton qytetarët. Ata thanë se do të dalin në protestë nëse kompania nuk sqarohet për çmimet e larta të energjisë elektrike.

Klan Macedonia ka vizituar thuajse të gjitha godinat e EVN-së dhe reagimi i tyre është I qartë.

Shumë qytetarë të RMV-së mendojnë që njëzëri duhet protestuar kundër kompanisë EVN e cila muajt e fundit ju ka dërguar fatura paushalle dhe me çmime, që siç thonë, qytetarët janë të papërballushme për çmimet e tyre.

“Paushallski” letrat si bijen, duhet këtu të vish t`i marrish, nuk e di sa ka ardhur mbi 6.000 denarë e unë me dru ngrohem. Vec ni poç e kam asgjë tjetër. Po, duhet krejt populli të ngriten, një njeri ngritet 100 u bënë I gjthë vendi të ngritet e atëherë të shohim çfarë është ky maskarrallëk kështu”

Mbi 9.000 denarë në muajin janar, një ditë s`kam qenë në shtëpi. Kjo është vjedhje klasike, vjedhje klasike. I ngrisin çmimet në janar, në shkurti i ngrisin pastaj …

Ka monopol, e kotë, është nën ombrellën shtetërore”

Po, duhet, çmimet janë të larta, në krahasim me rrogat.

Shteti duhet të reagojë, ka shumë ankesa por e kotë është.

Nëse nuk reagon shteti kjo nuk na pyet.

Revolta e qytetarëve erdhi pasi EVN për muajin dhjetor dhe janar kishte lëshuar fatura paushalle, gjë që nxiti edhe reagimin e shumë qytetarëve në vend.

Klan Macedonia kërkoi një qëndrim tjetër nga kompania EVN, deri më tani nuk kemi një përgjigje konkrete.

Ndryshe, EVN dhe KRRE-ja, për fatuarat e larta për rrymën, topin e hedhin tek njëra tjetra, teksa qytetarët enden prapa dyerve të kompanisë EVN, duke kërkuar sqarime.