Kryeministri kanadez i “lutet” Trump të rishikojë tarifat, Trudeau: Në orët e errëta të SHBA-së, Kanadaja ka qenë gjithmonë pranë saj

Kryeministri kanadez i “lutet” Trump të rishikojë tarifat, Trudeau: Në orët e errëta të SHBA-së, Kanadaja ka qenë gjithmonë pranë saj

Justin Trudeau, kryeministri kanadez, foli sërish me presidentin Trump por me sa duket nuk është bërë përparim në anulimin apo shtyrjen e tarifave ndaj Kanadasë.

Vendimi do të hyjë në fuqi të hënën në mesnatë. Të dy liderë do të bisedojnë përsëri këtë pasdite, në 15:00 me orën amerikane.

Trudeau ka postuar në X videon e fjalimit të tij të djeshëm, në të cilin ai shkroi: “Në orët më të errëta të SHBA-së, Kanadaja ka qenë gjithmonë aty për të”.

Ai përmendi Luftën e Dytë Botërore dhe sulmet e 11 shtatorit, duke theksuar historinë e përbashkët dhe vitet e bashkëpunimit me SHBA-në.

“Nëse Presidenti Trump dëshiron të fillojë një epokë të artë për Shtetet e Bashkuara, rruga më e mirë është të bashkëpunojë me Kanadanë, jo të na ndëshkojë”, tha ai.