MPB konfirmon arrestimin e shtetasit të Kosovës në pikën kufitare Bllacë

Ministria e Punëve të Brendshme e Maqedonisë së Veriut ka konfirmuar informacionin se një shtetas i Kosovës është privuar nga liria në vendkalimin kufitar Bllacë.

Siç njoftojnë nga MPB, personi i ndaluar ka pasur masë “arresti” me kërkesë të Interpolit.
“Më datë 14.02.2025 në ora 14.10 në pikën kufitare “Bllacë” në hyrje të vendit, zyrtarët policorë kanë privuar nga liria E.B (55) nga Kosova, pasi gjatë një kontrolli dhe kontrolli pasaportash është konstatuar se ai ishte regjistruar me masë “arrest” me kërkesë të Interpolit”, thuhet në njoftimin e MPB-së.
Kujtojmë se muaj më parë nga policia e Maqedonisë u ndalua dhe Blerim Ramadani, ish-ushtar i UÇK-së, i cili ishte në kërkim nga Serbia.