Papa Françesku shtrihet në spital
Papa Françesku, i cili u dërgua sot në spital për trajtim për bronkit, ka një infeksion të frymëmarrjes, por është në gjendje të qëndrueshme.
“Ati i Shenjtë iu nënshtrua ekzaminimeve të specializuara dhe filloi farmakoterapinë në spital. Gjetjet fillestare treguan një infeksion respirator. Gjendja e tij klinike është e mirë, ka temperaturë të lehtë”, ”, tha Vatikani në një deklaratë.
Papa Françesku në dy vjetët e fundit vuan nga pneumonia dhe një sërë problemesh të tjera shëndetësore. Ai u zgjodh në krye të Selisë së Shenjtë në vitin 2013.
