Perinski në debatë në Shkup: Transparenca do të na ndihmojë të krijojmë një ligj të përshtatur për nevojat e qytetarëve dhe komunave

Në Shkup sot u mbajt debati i katërti nga seria e debateve publike në procesin e ndryshimit të Ligjit për Vetëqeverisje Lokale. Pas debateve publike të mbajtura në Manastir, Shtip dhe Gostivar, me përmbledhjen e sotme përfundon faza e konsultimeve publike, në të cilat deri më tani janë përfshirë kryetarë komunash nga të gjitha regjionet, përfaqësues të tjerë nga pushteti lokal dhe sektori joqeveritar, si dhe ekspertë të fushës.

Në këtë debatë në Shkup kishte interesim të madh, ku morën pjesë kryetarët e komunave të Shkupit, komunave të rajonit të Shkupit dhe rajonit verilindor, përfaqësues të këshillave komunalë, si dhe nga sektori joqeveritar dhe një pjesë e grupit të ekspertëve të përfshirë në procesin e ndryshimeve.

Ministri i Vetëqeverisjes Lokale, i cili inicioi ndryshimet ligjore, shprehu mirënjohjen publike për të gjithë pjesëmarrësit në debate të cilët me propozimet, idetë dhe sugjerimet e tyre dhanë një kontribut të rëndësishëm në suksesin e procesit që duhet të rezultojë në përmirësimin e sistemit të vetëqeverisjes lokale në vendin tonë.

“Ne jemi të gatshëm të kalojmë në fazën tjetër, gjegjësisht të krijojmë projekt-amendamentet e Ligjit për Vetëqeverisjen Lokale dhe menjëherë pas kësaj t’i dorëzojmë në Kuvend për konsultime shtesë me të gjitha partitë politike parlamentare, në mënyrë që të hyjmë në fazën e validimit, pra në miratimin e projekt-amendamenteve. Jam i bindur se përmes një rruge kaq të hapur, transparente dhe gjithëpërfshirëse do të arrijmë në një zgjidhje ligjore shumë më të mirë se kjo që e kemi tani”, tha Perinski, i cili pret që zgjidhja e re ligjore të hartohet deri në fund të verës dhe praktikisht të zbatohet për kryetarët e zgjedhur në zgjedhjet e ardhshme lokale.

Perinski ritheksoi se iniciativa kryesore për hapjen e ligjit është mundësia e tërheqjes me referendum të kryetarit të komunës, vendosja e mbikëqyrjes komunale dhe pjesëmarrja më e madhe e sektorit civil në vendimmarrje në nivel lokal.

Prof. Dr. Aleksandar Spasenovski, i cili është pjesë e grupit të ekspertëve të përfshirë në procesin e përgatitjes së amendamenteve ligjore, theksoi se ligji aktual është ligj i rëndësishëm sistematik që e ka kaluar testin e kohës.

“Ndryshimet dhe plotësimet kryesore kanë për qëllim korrigjimin e dispozitave të caktuara, të cilat janë pjesë e zgjidhjes aktuale ligjore dhe në të cilat me kalimin e kohës janë shfaqur anomali të caktuara. Në të njëjtën kohë, ne zbulojmë dhe parashikojmë disa norma që nuk janë pjesë e zgjidhjes aktuale ligjore, por kanë rezultuar të nevojshme. Në mesin e tyre është edhe mundësia e tërheqjes së një kryetari të komunës, ndërsa sa i përket policisë komunale, me ndryshimet e ligjit, praktikisht do të krijojmë bazë për rregullimin ligjor të kësaj çështje në të ardhmen”, theksoi Spasenovski.

“Kam nderin që jam pjesë e grupit të ekspertëve që punojnë për ndryshimet në Ligjin për Vetëqeverisjen Lokale. Ky proces zhvillohet në mënyrë gjithëpërfshirëse dhe transparente, me përfshirjen aktive të të gjithë aktorëve përkatës – komunitetit akademik, ekspertëve, përfaqësuesve të autoriteteve lokale dhe shoqërisë civile. Qëllimi është krijimi i një kuadri ligjor që do të mundësojë një funksionim më efikas, demokratik dhe më të përgjegjshëm të vetëqeverisjes lokale, në përputhje me praktikat më të mira evropiane. Jam i bindur se me këtë qasje do të vijmë deri te zgjidhjet që do të përmirësojnë cilësinë e jetës së qytetarëve dhe do të kontribuojnë për komuna më të forta dhe më autonome”, tha profesori Memet Memeti.
9 attachments
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 1.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 2.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 3.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 4.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 5.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 6.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 7.jpg
Perinski në debatë në Shkup Transparenca do të na ndihmojë të krijojmë një ligj të përshtatur për nevojat e qytetarëve dhe komunave 8.jpg
Kumtesë.docx