Strezoski: Kodi i ri Penal gati për miratim, Kambovski: Këshilli Gjyqësor do të shqyrtojë gabimet në vendimet gjyqësore

Kryetari i Këshillit Gjyqësor, Aleksandar Kambovski, njoftoi se do të shqyrtohen të gjitha rastet ku ka duyshime për gabime të mundshme nga gjyqtarët në vendimet që ata kanë dhënë. Kambobski gjithashtu theksoi se për fatin tragjik të Frosina Kulakovës, e cila humbi jetën pas një aksidendi, thotë se nuk duhet te këtë vendime të shpejta por duhet të realizohen analiza të plota. Ai shtoi se do të shqyrtohen të gjitha lëndët, përfshirë edhe rastin e gjyqtares Aleksoska Stojanovska, e cila dha një dënim të butë në një rast të ngjashëm më herët.

“Kemi filluar shqyrtimin e lëndëve dhe nesër formalisht do të formohet një komision nga Këshilli Gjyqësor dhe pas shqyrtimit të të gjitha atyre dokumenteve do të dalim me një qëndrim nëse ka pasur lëshim apo jo. Të gjitha komentet që janë bërë publike do të shqyrtohen dhe të gjitha do të veprohet”, tha Kambovski.

Nga ana tjetër, Irina Trajkovska Strezoski, kryetare e Akademisë së Gjyqtarëve dhe Prokurorëve, u shpreh se një kod i ri penal është gati dhe do të dorëzohet në Komisionin e Venecias për miratim. Ajo u shpreh për dëshirën për dënime më të ashpra, por gjithashtu theksoi se gjyqtarët janë profesionistë që punojnë sipas ligjit dhe nuk bëhet fjalë për arbitraritet në vendimet e tyre.

“Mendoj se dënimet më të ashpra do të ishin të dëshirueshme. Kodi penal tashmë është hartuar, është përkthyer dhe deri në fund të vitit duhet të dorëzohet në Komisionin e Venecias, pas së cilës duhet të fillojë procedura për miratimin e tij. “Është vendim i Kuvendit”, thotë Trajkovska Strezoski.

Në lidhje me përgjegjësinë e gjyqtares në rastin e parë, ajo tha se kjo nuk duhet të diskutohet tani, pasi e njeh gjyqtarën personalisht dhe e konsideron atë si një nga gjyqtarët më të mirë, por gjithsesi, vendimi për veprime të mundshme do të merret nga Këshilli Gjyqësor.

Rasti i Frosinës, një vajzë 22-vjeçare nga Negotina, e cila u përplas nga një shofer i dehur, ka shkaktuar një reagim të gjerë të qytetarëve. Tubime paqësore janë mbajtur në Shkup dhe Negotin, ku qytetarët kërkojnë përgjegjësi për viktimat e aksidenteve dhe përmirësimin e dënimeve për autorët e aksidenteve.