E përballoi tragjedinë në Koçan dhe u kthye nga trajtimi në Beograd: Fëmijët e mi ende kanë një baba falë mjekëve dhe infermierëve

Arko Stojanov, pacienti i parë që u kthye në vendin e tij pas trajtimit në jashtë shtetit pas zjarrit në diskotekën “Puls” në Koçan, u prit dje nga ministri i shëndetësisë dhe ai i punëve të jashtme.

Ai dje publikoi një mesazh emocionues në rrjetet sociale, duke falënderuar publikisht për mbështetjen personale që ka marrë.

Ai tha se gjendja e tij shëndetësore është e mirë dhe e qëndrueshme.

“Plagët fizike dhe shenjat në trup do të mbeten, por tashmë nuk do të gjakosin dhe nuk do të dhembin. Falë Zotit, unë isha një nga ata që shpëtuan atë natë të trishtuar. Por, një pjesë e madhe fatkeqësisht nuk patën këtë fat. Dhimbja e humbjes së dikujt në atë ferr e kam ndjerë edhe unë. Kjo është një plagë që kurrë nuk do të shërohet, një plagë në shpirt që do të gjakosë deri në fund të jetës sime,” tha Stojanov.

Ai gjithashtu falënderoi në Facebook të gjitha institucionet që ishin të përfshira në organizimin dhe realizimin e trajtimit në Serbi dhe në shtetet e tjera.

“Faleminderit për të gjithë personelin mjekësor në vendin tonë, sepse ata janë heronjtë e vërtetë. Shpresoj që sa më shpejt të e kuptojmë këtë si shtet dhe ata do të shpërblehen siç meritojnë për gjithçka që bëjnë. Shpresoj që këta heronj të marrin gjithçka që meritojnë sa më shpejt. Unë po frymoj falë reagimit të shpejtë të personelit mjekësor në KARIL. Nuk ka fjalë me të cilat mund të falënderoj të gjithë stafin e Qendrës Klinike – Serbi. Fëmijët e mi ende kanë një baba falë mjekëve dhe infermierëve të pabesueshëm dhe teknikëve të klinikës. Ata ishin engjëjt e mi mbrojtës. Faleminderit, popullit serb! Uroj një shërim të shpejtë për të gjithë ata që janë plagosur dhe që të mund t’i përqafojnë të dashurit e tyre sa më shpejt. Shpresoj që kjo tragjedi e trishtuar të na bashkojë si popull dhe të na hapë sytë si njerëz. Përqafojeni ata që janë afër, familjen, miqtë, thuajini se i doni. Asnjëherë nuk mund ta dini kur do të jetë hera e fundit,” tha Stojanov.