Erdoğan: Turqia punon për të përfunduar luftën Rusi-Ukrainë dhe për paqe të qëndrueshme

Türkiye po bën përpjekje për të siguruar që lufta Rusi-Ukrainë të përfundojë sa më shpejt që të jetë e mundur me një paqe të drejtë dhe të qëndrueshme, i tha presidenti turk Recep Tayyip Erdoğan kryeministrit të Mbretërisë së Bashkuar Keir Starmer gjatë një bisede telefonike, raporton Anadolu.

Sipas një deklarate të Drejtorisë së Komunikimeve të Presidencës së Türkiyes, liderët diskutuan gjithashtu marrëdhëniet dypalëshe, si dhe çështjet rajonale dhe globale.

“Presidenti Erdoğan vuri në dukje se Türkiye është e gatshme të vazhdojë të bëjë pjesën e saj, duke përfshirë pritjen e negociatave për të lehtësuar paqen, siç ka bërë deri më tani”, thuhet në deklaratë.