Komuna e Tetovës do të inspektojë objektet me interes publik dhe objektet me frekuencë të lartë të qytetarëve

Bazuar në dispozitat ligjore në fuqi dhe në interes të garantimit të një mjedisi të sigurt dhe të përshtatshëm për të gjithë qytetarët, Kryetari i Komunës së Tetovës, Bilall Kasami, ka miratuar një urdhëresë për mbikëqyrje inspektuese të jashtëzakonshme në territorin e Komunës së Tetovës.

Inspektorët komunalë do të kryejnë kontrolle në:
• Objektet me interes publik
• Objektet me frekuencë të lartë të qytetarëve — duke përfshirë qendrat tregtare, objektet fetare, objektet hotelerike, sallonet e dasmave dhe qendrat argëtuese për fëmijë.

Qëllimi i këtyre inspektimeve është të vlerësohet respektimi i kushteve ligjore në përputhje me Ligjin për Ndërtim, Ligjin për Mjedisin Jetësor, Ligjin për Cilësinë e Ajrit dhe akte të tjera nënligjore.

Inspektimet do të zgjasin deri më 28 mars 2025, dhe pas përfundimit të tyre, do të dorëzohet një raport përfundimtar te Kryetari i Komunës.

✅ Për një Tetovë më të sigurt dhe më të pastër!