Mickoski: Po fillojmë përballjen me mafian, nuk do të ndalemi, si mundet në Spitalin Modular të jetë fajtor kablli

Kryeministri i Qeverisë, Hristijan Mickoski, në një intervistë për edicionin qendror të lajmeve në “Sitel” gjatë rubrikës “Tema e Ditës”, theksoi se do të hapen të gjitha rastet e mëparshme, përfshirë tragjedinë me spitalin modular dhe aksidentin me autobus në Laskarc. Sipas tij, nuk do të ketë ndalim derisa të zbardhen të gjitha detajet dhe përgjegjësit të përballen me drejtësinë.

“Për të gjitha këto raste që përmendët, do t’i ndjek nga afër. E di në cilën fazë janë dhe pres që Prokuroria të zgjerojë hetimin dhe të identifikojë jo vetëm shoferin e autobusit ose menaxherin e subjektit juridik, por edhe ata që e vlerësuan mjetin si të teknologjikisht të rregullt, kush i dha lejen qendrës së testimit të punojë në ato kushte.

Pse është ndryshuar ministria për spitalin modular nga njëra në tjetrën kur është bërë tenderi publik? Pse është fajtor kablli? Kush e bëri projektin? A mund të mungojnë ndonjë elemente dhe, nëse po, cilat janë ato? Të gjitha këto pyetje duhet të marrin përgjigje. Do të ketë një fund. Asgjë nuk do të lëmë pas,” theksoi Mickoski.

Mickoski theksoi se kjo betejë është një çështje e mbijetesës – ose për qytetarët dhe Maqedoninë, ose për strukturat kriminale, të cilat, siç tha ai, nuk do të kenë më hapësirë për manipulime.

“Ju thashë: kemi nisur. Nuk do të ndalemi tani, tani do të shkojmë deri në fund. Ose ata, ose ne. Në jetë ka dy mundësi, ose ai ose ti. Nuk mund të mbijetojnë të dy. Ose ne do të mbijetojmë – Maqedonia dhe qytetarët nga njëra anë, ose mafiozët. Nuk ka vend për të dy,” tha ai.