Nis revolta kundër kryeministrit izraelit. Organizohen protesta në Jeruzalem dhe Tel Aviv

Qindra protestues kanë marshuar mbrëmjen e së shtunës në Jerusalem drejt shtëpisë së kryeministrit Benjamin Netanyahu në Rrugën e Gazës.

Këtë e kanë bërë të ditur mediat izraelite dhe kanë publikuar edhe fotot.

Ndërkohë, mijëra njerëz protestuan kundër qeverisë në sheshin Habima në Tel Aviv.

Përveç kërkesës për kthimin e pengjeve, demonstruesit protestuan kundër përpjekjes së Netanyahu për të shkarkuar shefin e Shin Bet Ronen Bar dhe Prokurorin e Përgjithshëm Gali Baharav-Miara, dhe kundër rifillimit të armiqësive në Gaza, që i dha fund një armëpushimi disajavor.

Protestuesit shkatërruan një postbllok policie që ishte ngritur në vend, ndërsa vetëm një pjesë e vogël e oficerëve të policisë ishin të pranishëm.

Pika e kontrollit u rindërtua më vonë dhe ata që kishin kaluar zonën e mbrojtur u larguan me forcë.

Më pas, oficerët filluan të shtyjnë edhe protestuesit e tjerë që iu afruan postbllokut. Michal Deutsch, një nga drejtuesit e protestës, i cili gjithashtu kishte rrëzuar postbllokun, u arrestua.