Orban: Turp që procesi i anëtarësimit të Maqedonisë në BE po ecën ngadalë

Kryeministri i Hungarisë, Viktor Orban, në konferencën e sotme të përbashkët për shtyp me kryeministrin e Maqedonisë, Hristijan Mickoski, theksoi se vizita e delegacionit qeveritar të Maqedonisë në Hungari po ndodh në një moment të rëndësishëm, kur për tre vjet jetojmë nën hijen e luftës.

Orban tha se e ka informuar Mickoskin se Hungaria i mirëpret negociatat midis SHBA-së dhe Rusisë dhe se hungarezët janë të interesuar për një rezultat të suksesshëm, duke shpresuar për fundin e luftës.

– Ne kemi mospajtime me shtetet e BE-së që janë miqtë dhe aleatët tanë, por që vendosën se Ukraina duhet të vazhdojë luftën. Sipas nesh, vazhdimi i luftës është i gabuar, i rrezikshëm dhe një gabim. Të enjten për këtë do të diskutojmë në Bruksel. Përshëndes faktin që edhe në OKB është diskutuar për vendimet e paqes dhe se Maqedonia dhe Hungaria kanë të njëjtin qëndrim, pasi ne e mbështetëm propozimin amerikan që u pranua nga Këshilli i Sigurimit, tha Orbán në konferencë.

Kryeministri hungarez shtoi se gjatë bisedimeve të delegacioneve u kushtua vëmendje e madhe çështjes së migracionit dhe se Hungaria është mirënjohëse ndaj Maqedonisë për ruajtjen e kufirit të saj, duke i ndihmuar edhe ata.

Orbán theksoi se e ka informuar Mickoskin se Hungaria nuk do të pranojë kurrë diktatin e BE-së dhe për këtë arsye duhet të paguajë gjoba.

– Mund të llogarisni në mbështetjen tonë në procesin e anëtarësimit të Maqedonisë në BE, jo vetëm sepse është turp që ky proces po ecën ngadalë, dhe për këtë nuk është përgjegjëse Maqedonia, por ne – anëtarët e BE-së. Përveç kësaj, ne e mbështesim anëtarësimin e tyre, sepse BE-ja duhet të jetë më konkurruese në botë dhe nuk shoh ndonjë zgjidhje tjetër për përmirësimin e konkurrencës përveç vazhdimit të procesit të zgjerimit. Çdo zgjerim i deritanishëm i ka sjellë dobi Bashkimit Evropian, theksoi Orbán.