Pas pushimit dyjavorë deputetët i kthehen punës, pritet formimi i komisionit për hetimin e tragjedisë në Koçan

Pas një pauze dy javore për shkak të tragjedisë në Koçan, deputetët kthehen nga nesër në Kuvend. Sipas orarit të publikuar në ueb-faqe, tashmë janë caktuar seanca të disa komisioneve.

Një pjesë e publikut reagoi ashpër ndaj këtij vendimi, kështu që Kuvendi raportoi se deputetët punojnë, por u anuluan vetëm seancat plenare dhe komisionet.

Ndërkaq, LSDM-ja opozitare ka kërkuar formimin e komisionit hetimor për tragjedinë e Koçanit, përmes të cilit do të kërkohet të vërtetohen faktet, si dhe përgjegjësia politike për ngjarjen tragjike.

OBRM-PDUKM thotë se nuk kanë asgjë kundër komisionit hetimor, por thanë se i njëjti duhet të zgjerohet për të përfshirë tragjeditë e mëparshme.

BDI, nga ana tjetër, ka kërkuar që një komision parlamentar të hetojë mënyrën se si po zhvillohen hetimet. Për këtë arsye ata i kanë bërë thirrje Qeverisë dhe Ministrisë së Brendshme që të japin përgjigje për funksionimin e agjencisë së sigurisë Rubicon, e cila ka siguruar sigurinë e lokalit të natës “Pulse”.

Analisti politik Petar Arsovski thotë për TV24 se formati i komisionit nuk është aq i rëndësishëm. Sipas tij, më e rëndësishme është që komisioni të zhvillohet në mënyrë transparente dhe të marrin pjesë shumë parti politike.

Ndryshe, vendimi i Kuvendit për të mos u mbledhur është marrë menjëherë pas skadimit të shtatë ditëve të zisë për tragjedinë e Koçanit.