Republika Çeke është e gatshme të mbështesë investimet e mëdha në energjinë maqedonase
Një delegacion i kryesuar nga Ministrja e Energjetikës, Minierave dhe Burimeve Minerale, Sanja Bozhinovska, mbajti sot në Pragë një takim pune me Drejtorin e sektorit ekonomik në ministrinë Çeke të industrisë dhe tregtisë, Eduard Muricki, dhe Drejtorin e onologjive të reja, Jan Prasil bisedimet u përqëndruan në investimet konkrete në sektrorin energjetik maqedonas, modernizimin e kapaciteteve të SH ESM dhe mundësitë për financimin e projekteve kapitale nga Qeveria e Republikës Çeke.
Ministrja Bozhinovska theksoi se qeveria maqedonase është e angazhuar për një partneritet strategjik me Republikën Çeke dhe për zbatimin e projekteve që do të përshpejtojnë kalimin në energji të qëndrueshme.
“Në Republikën Çeke, kemi një partner stabil i cili jo vetëm që ka interes, por edhe një gatishmëri konkrete për të mbështetur investimet në sektorin energjetik maqedonas. Diskutuam investimet direkte, si dhe mundësitë për financim të favorshëm të projekteve të mëdha infrastrukturore me kompanitë çeke. Modernizimi i strukturave të SHA ESM është një nga përparësitë dhe është në këtë segment që kompanitë çeke kanë kapacitete dhe ekspertizë serioze.” theksoi Ministrja Bozhinovska.
Nga ana çeke u theksua gatishmëria për mbështetje afatgjatë, jo vetëm nëpërmjet investimeve, por edhe nëpërmjet instrumenteve financiare që do të sigurojnë kushte të favorshme për zbatimin e projekteve. Drejtori i sektorit ekonomik në Ministrinë Çeke të Industrisë dhe Tregtisë, Eduard Muricki, theksoi se Republika Çeke sheh mundësi konkrete për bashkëpunim strategjik.
“Qeveria çeke është e gatshme të mbështesë projektet maqedonase të energjisë përmes investimeve dhe mekanizmave të favorshëm financiarë. Ne jemi veçanërisht të interesuar në bashkëpunimin në pjesën e modernizimit të kapaciteteve energjetike dhe zbatimit të teknologjive të reja që do të kontribuojnë në stabilitetin dhe qëndrueshmërinë.” Theksoi Muricki .
Drejtori i Financave të SHA ESM, Ivan Stojanovski, theksoi se cikli i ri i investimeve në burimet e rinovueshme është kyç për përshpejtimin e transformimit të energjisë së gjelbër.
“Është jashtëzakonisht e rëndësishme për ne të sigurojmë bashkëpunim me partnerë me përvojë si Republika Çeke, të cilët mund të ndihmojnë në zbatimin e teknologjive të qëndrueshme dhe të sigurojnë kushte financiare të qëndrueshme për investimet tona.” tha Stojanovski.
Takimi në Pragë hapi mundësi konkrete për thellimin e bashkëpunimit energjetik midis Maqedonisë së Veriut dhe Republikës Çeke, me theks në mekanizmat e investimeve që do të nxisin zhvillimin e kapaciteteve energjetike dhe tranzicionin e gjelbër.
