Roma fiton ndaj Bilbaos në prekjen e fundit të ndeshjes

Roma ka shënuar fitore dramatike ndaj Athletic Bilbaos në 1/8 e finales në Ligën e Evropës.

Ndeshja e zhvilluar në “Olimpico” u mbyll me rezultatin 2:1.

Pjesa e parë u mbyll pa gola të shënuar, me Romën që pati iniciativën.

Por, pjesa e dytë nisi me avantazh të mysafirëve.

Ishte Inaki Williams i cili shënoi me kokë në minutën e 50-të të takimit.

Gëzimi i baskëve zgjati vetëm gjashtë minuta, kur Angelino shënoi pas asistit të bukur të Celik.

E krejt në fundin e ndeshjes, në prekjen e fundit të topit, Roma arriti që të shënonte për të marrë një fitore të madhe.

Ndeshja e kthimit do të zhvillohet pas një jave në Spanjë.