Shpëtohen dy persona, që kishin mbetur të bllokuar në Liqenin e Mavrovës

Ekipe të Ministrisë së Punëve të Brendshme dhe banorët lokalë kanë shpëtuar dy persona nga Liqeni i Mavrovës, të cilëve u ishte përmbysur varka. Siç informojnë nga Qendra për Menaxhim me Kriza (QMK), personat e shpëtuar janë transportuar më pas me automjetin e ndihmës urgjente mjekësore.

o
Paraprakisht, QMK kumtoi se në këtë rast ka intervenuar edhe njësiti “Tigrat” bashkë me një helikopter dhe një varkë.

Nga QMK theksuan se dy personat kanë arritur ta kthejnë varkën e tyre në pozitë normale, pastaj të kthehen në varkë dhe kanë pritur që të tërhiqen nga ekipet e shpëtimit.