Tajlanda regjistron mbi 50 pasgoditje pas tërmetit në Mianmar

Mbi 50 pasgoditje u regjistruan në Tajlandë pas një tërmeti të fuqishëm në Mianmar, sipas të dhënave nga shërbimi tajlandez i monitorimit të tërmeteve.

Pasgoditja e fundit me magnitudë 4.9 u regjistrua në orën 23:46 me orën lokale (4:46 pasdite GMT).

Një tërmet me magnitudë 7.7 u ndje në kryeqytetin e Tajlandës, Bangkok dhe zonën përreth tij më herët të premten. Departamenti i Meteorologjisë Tajlandeze regjistroi lëkundje me magnitudë 8.2 ballë, me epiqendër në një thellësi prej dhjetë kilometrash pranë qytetit të Mandalay në Myanmar, në orën 13:20 me orën lokale.

Gjithashtu, punonjësit e shpëtimit në Myanmar dhe Tajlandë po përpiqen të gjejnë të mbijetuar, disa orë pasi një tërmet me magnitudë 7.7 goditi qendrën e Mianmarit.

“Ne po gërmojmë njerëzit me duar të zhveshura,” i thotë një ekip për BBC në Mandalay, jo shumë larg nga epiqendra e tërmetit.

Të paktën 144 njerëz janë vrarë në Mianmar dhe qindra të tjerë janë plagosur, thotë një gjeneral i ushtrisë, me vendet fqinje që ndjejnë gjithashtu efektet e tërmetit.