TS: Kasami ka kërkuar që ta largojnë Taravarin nga VLEN-i sa më shpejtë, nesër mund të jetë vonë?

Përqindjet në zgjedhjet lokale janë edhe grindjet e fundit që bëhen në koalicionin VLEN. Edhe pse asnjë lider nuk e pohon një gjë të tillë, portali TS ka mësuar se në mbledhjen e fundit Tarvari dhe Kasami janë fjalosur me tone të larta në lidhje me kërkesën që ASH-ja e Taravarit të ketë 40% të komuna ndërsa 60% të kenë 3 parttitë tjera.

Portali TS nga burime të sigurta brenda koalicionit VLEN mëson se Bilall Kasami ka kërkuar që ta largojnë Arben Taravarin sa më shpejtë sepse nesër mund të jetë vonë.

“Është e vërtetë që Kasami i ka kërkuar dy liderëve, Izet Mexhitit dhe Zeqirja Ibrahimit që ta largojnë Taravarin sa më shpejtë pasi nesër mund të jetë vonë. Sipas kërksës së Kasamit thënë Mexhitit dhe Ibrahimit, Arben Taravari mund të përfitojë sërish nga kjo situatë dhe të rrit pazarin e tij sërish njejtë si në zgjedhjet parlamentare dhe të del fitues më i madh i koaliconit” thotë për TS njeriu i besiueshëm i VLEN-it.
Sipas tij, Kasami ka tentuar të bind Mexhitin, por ai i ka thënë se është herët, më mirë është të garojmë si VLEN e jo ndaras.
“Kasami ka qenë këmbëngulës që të largohet Taravari, por Mexhiti ka qenë kundër një vendimi të tillë, duke i thënë se është herët, ne duhet të garojmë si VLEN e jo ndaras, ndaras humbim të gjithë ndërsa të bashkuar fitojmë të gjithë”, thotë më tej për TS.

Mexhiti është më dorëlëshuar dhe më opotimist për një vazhdim të VLEN-it, ndërsa Kasami më i egër .
“Në të gjitha bisedat kur bëhen ndaras, Izet Mexhiti është më optimist dhe i merr gjërat më qetë dhe më ngadal, dëshiron që VLEN të mbijetojë, mos përpahet, mos prishet dhe të garohet së bashku. Kasami është më kacagjel, më i egër dhe i bindur se në Pollog fiton bindshëm edhe i vetëm pa VLEN-in, sikur ia rrit mendja shumë”, shton në fund për TS njeriu i afërt i VLEN-it.

Pas grindjes së fundit në mbljedhe, sot Bilall Kasami ka dhënë ultimatum Arben Taravarit që të vendos ose me VLEN-in ose me BDI-në.

“Tashmë bisedimet kanë kaluar në fazën ku Aleanca për Shqiptarët, e udhëhequr nga Taravari, duhet të vendosë nëse do të garojë në një listë të përbashkët me koalicionin VLEN ose do të dalë e vetme në zgjedhje” u shpreh Kasami.

Sipas tij, pjesa tjetër e koalicionit tashmë ka vendosur të vazhdojë së bashku.

Ndryshe, nëse ASH-ja e Taravarit shkon me BDI-në, përfiton 5 komuna të sigurta, nëse shkon me VLEN-in e rrezikon edhe Gostivarin sipas njohësve të anketave/TS/