Yamal kërkon maksimumin: Jemi favoritë për të fituar Champions League, por duam…

Gazeta katalanase ‘Sport’ po përgatitet të publikojë një intervistë me Lamine Yamal dhe në një fragment të shkurtër të përmbajtjes që do të publikohet pasdite, sulmuesi 17-vjeçar i Barcelonës dha një garanci të fortë:

“Jemi favoritë për të fituar UEFA Champions League.”

LEXO EDHE:
Inter, Marotta: Nuk flas për ‘Tripletën’. Rinovimi i Inzaghit? Janë të gjitha kushtet për të vazhduar
Pse Barcelona është favorite?

Yamal e bazon këtë bindje te ecuria në fazën e grupeve:

“Kur përfundoi faza e parë, thashë se Liverpool-i ishte favoriti, sepse ishte në krye. Tani që ata kanë dalë, favoritë jemi ne,” shpjegoi lojtari, i cili shënoi dhe asistoi në ndeshjen e fundit të turneut, kundër Benfikës.

Asistimi që nisi përmbysjen e Benfikës

Lamine Yamal pranoi se asistimi i tij që çoi në përmbysjen e Benfikës ishte në fakt një tentativë për gjuajtje:

“Duhet ta falënderoj Raphinhën, sepse, në fakt, tentova të godisja portën,” zbuloi ai. Sa për golin e tij, ai e konsideron atë “më të mirin me fanellën e Barcelonës.”

Barcelona lufton për gjithçka

Yamal thekson se Barcelona nuk ka frikë nga asnjë kundërshtar dhe synon të fitojë të gjitha trofetë: kampionatin, Champions League dhe Kupën e Mbretit.

“Jemi një ekip ndryshe nga ai i vitit të kaluar, kur humbëm ndaj PSG-së,” tha ai, duke përshkruar atmosferën në dhomat e zhveshjes si “një familje e bashkuar.”

Lamine Yamal është në listën e Luis de la Fuente për ndeshjet e Spanjës në çerekfinalet e Ligës së Kombeve kundër Holandës.