Aleanca për Shqiptarët: Reagimi i VLEN konfirmoi dorëzimin para Mickoskit dhe tradhëtinë ndaj Besa Kadriut

Reagimi i VLEN konfirmoi dorëzimin para Mickoskit dhe tradhëtinë ndaj Besa Kadriut

Koalicioni i partive shqiptare pa legjitimitet, VLEN, paska tentuar që përmes një kumtese të shpërlajë dorëzimin para VMRO-së dhe braktisjen e kandidates së vetme shqiptare që më herët ata e kishin nominuar dhe vjen nga radhët e tyre.
Aleanca për Shqiptarët asnjëherë nuk ka vepruar siç vepruan sot deputetët e VLEN, të cilët paturpësisht e lanë vetë kandidaten të cilën e kishin nominuar për drejtoreshë të Agjencisë për Cilësinë e Arsimit të Lartë, profesoreshën Besa Kadriu. Aleanca për Shqiptarët ishte në Qeveri për 1 vit edhe atë pasi ishte zgjedhur drejtori i kësaj Agjencie i cili ishte shqiptar dhe në atë periudhë nuk kishte konkurs për drejtor.
Ne e njohim Besa Kadriun dhe nuk na merr mendja se znj. Kadriu ka konkuruar kokë më vete pa pasur pëlqim nga VLEN për këtë pozicion. Problemi është se Besa foli kundër padronit tuaj dhe gjatë rrugës deri në emrim ndryshuan gjërat siç ndodhi edhe sot kur deputetët e koalicionit VLEN nuk erdhën as në Komision, duke e braktisur kandidaten e tyre dhe duke lejuar që edhe një institucion tu merret shqiptarëve. Në fakt e kishin dërguar vetëm një deputet i cili në komision tentoi të mashtrojë dhe aktrojë kinse nuk din gjë dhe e mbron Besa Kadriun, por më pas vetë e pranoi se këtë pozicion ja kanë dhënë VMRO-së me marrëveshje qeverisëse.
E pas gjithë kësaj, kënd doni të mashtroni, veten apo shqiptarët?
Rijad mos bën garë me Taravarin tënd se kush është gënjeshtar më i madh sepse ti mund ti afrohesh, por s’ja kalon dot. Sa i përket Livadhisë mos harro një gjë sepse je aty ku je sot falë punës dhe sakrificës ndër vite të Ziadin Selës. Të ishte ndryshe, e ka provuar më herët babushi disa herë dhe nuk arriti. Më mirë në Livadhi, Rijad se te Mickovski.