Ballistët: FFM dhe MPB me çdo kusht tentojnë ta dëmtojnë Shkëndijën! Po defokusojnë opinionin me tema etnike…

Tifo grupu Ballistët Tetovë kanë reaguar pasi u akuzuan nga FFM se nuk kanë respktuar 1 minut heshtje të zisë shtetërore për tragjedinë e Koçanit.
Ata në reagimin e tyre, këtë akuzë e quajnë shpifje, pasi sipas tyre shteti në vend që të merret me zbardhjen e rastit, po defokuson opinionin me tema etnike.
Reagimi i plotë:
DEKLARATË:
Në cilin shtet në botë dënohen klubet për mosrespektimin e 1 minutë heshtje nga një pjesë e publikut?
Shteti urdhëroi 7 ditë zie, ndërsa ndeshja ishte duke u luajtur pas këtyre ditëve, duke mos dashur që të zbardhet rasti dhe të dënohen fajtorët kryesor në këtë apo ngjarje tjera, dhe shteti nëpërmjet instrumentit të tyre që quhet FFM, merret me çështje tjera duke dashur të defokuson opinionin, pa përjeshtuar edhe mediat/portalet e kapura maqedonase që dezinformojnë dhe tentojnë të nxisin urrejtje ndëretnike, me rrenën e tyre se publiku ka fishkëlluar dhe ka thirrur emrin e Ushtrisë së lavdishme UÇK !!
Shkëndija dhe i gjithë publiku e respektuan një minutë heshtje, ndërsa një pjesë e Ballistëve jo, megjithatë kënduan këngë për Shkëndijën dhe nuk ishte një këngë provokative, përkundër palës tjetër që shkelin çdo rregull dhe sulmojnë shqiptarët vetëm përshkak se ekzistojnë, duke na uruar vdekje, siç ishte rasti i fundit me shkrimin e autobusit.
FFM dhe simotra e tyre MVR, në bashkpunim të ndërsjelltë dëshirojnë me çdo kusht që të dëmtojnë klubin tonë Shkëndija në shumë forma, fakt është referimi tendencioz në çdo ndeshje. Tashmë dëshirojnë që të na e ndalojnë aktivitetin tonë si tifogrup, duke dëshiruar shuarjen tonë.
JU BËJMË ME DIJE SE NUK DO T’JA ARRINI, BALLISTËT DO TË EKZISTOJNË DERI NË KIAMET !!!