Deanoski: Qeveria është e gatshme që deri në mes të majit të nënshkruhen marrëveshjet kolektive për shtesat e pagave

Qeveria është e gatshme që deri në mes të muajit të ardhshëm të nënshkruhen marrëveshjet kolektive me të cilat do të mundësohet pagesa në etapa e shtesës së pagës prej 30 për qind për të punësuarit në administratën shtetërore, përveç gjyqësorit. Këtë, siç deklaroi kryetari i Sindikatës së Punëtorëve të Administratës, Organeve të Jurisprudencës dhe Shoqatave të Qytetarëve (AOJSHQ), Tërpe Deanovski, e ka kumtuar kryeministri Hristian Mickoski sot në takimin në Qeveri me përfaqësuesit e sindikatave.

Sindikata e AOJSHQ në janar mbajti disa protesta duke kërkuar rritje për 30 për qind të shtesës së pagave në organet e administratës shtetërore. Pasi protestat u vunë në qetësi, siç bëri të ditur Deanovski u mbajtën pesë takime dhe është arritur marrëveshje.

“Kemi pasur një marrëveshje, kemi rënë dakord që t’i marrim ato 30 për qind rritje pagash në disa këste, nëse mund të them kështu, brenda katër viteve. Dhe përveç kësaj, e theksoj, një shtesë pagash, jo rritje rroge, të gjithë punonjësit në këto institucione që protestuan, duhet të marrin rregullim pagash çdo mars, qoftë me rritje të mesatares, qoftë me rritje të pagës minimale. Kryeministri sot na informoi se Qeveria është e gatshme të nënshkruajë marrëveshje kolektive deri në fillim ose në mes të majit, që do të thotë se çdo ministri, çdo organ i administratës shtetërore që nuk ka nënshkruar marrëveshje kolektive do ta nënshkruajë atë dhe kështu do të marrë rritjen e pagave që kërkuam me protestat e janarit. Fatkeqësisht, do të nënshkruajnë edhe disa sindikata të tjera, emrat e të cilëve nuk ua di askush, por ne jemi këtu për punëtorët, më vjen mirë që kryeministri dëgjoi se tashmë jemi pajtuar për një dinamikë të caktuar të gjërave dhe se punëtorët në administratën shtetërore, përkatësisht nëpunësit administrativë, më në fund do të fillojnë të dalin nga paga minimale”, deklaroi Deanoski pas takimit.

Në protestat në janar morën pjesë anëtarë të AOJSHQ nga Ministria e Mjedisit Jetësor dhe Planifikimit Hapësinor, e Transformimit Digjital, e Pylltarisë dhe Ekonomisë së Ujërave, e Drejtësisë, e Kulturës dhe Turizmit, e Ekonomisë dhe Punës, e Transportit, si dhe nga Enti Shtetëror i Statistikës dhe Arkivi Shtetëror.

Në fokus të mbledhjes së sotme në Qeveri ishte rritja e pagës minimale dhe zbatimi i marrëveshjeve kolektive, për të cilat përfaqësuesit e Lidhjes së Sindikatave të Maqedonisë dhe Konfederatës së Sindikatave të Lira pas takimit dolën me akuza të ndërsjella dhe kërkesa kontradiktore. Kryetari i LSM-së Sllobodan Trendafilov deklaroi se Qeveria nuk është kundër rritjes së pagës minimale, por dy sindikatat tjera që kanë marrë pjesë në mbledhje, duke theksuar se kanë kërkuar që dispozitat e marrëveshjes së përgjithshme kolektive në procesin e rritjes së pagave në sektorin publik të shfuqizohen ose të mbyllen. Ndryshe, kryetari i KSL-së, Bllagoja Ralpovski, vlerësoi se ajo që kërkon LSM-ja është populizëm, duke theksuar se rritja e pagës minimale në 30.000 denarë do të përfshijë vetëm një pjesë të të punësuarve në vend.

Sipas Trendafillov, vetëm LSM në takimin e sotëm i ka theksuar kërkesat e punëtorëve.

“Punëtorët në Maqedoni nuk kanë problem aq të madh me Qeverinë, aq sa kanë me sindikatat e tjera. Vetëm Lidhja e Sindikatave të Maqedonisë sot i theksoi kërkesat e punëtorëve, duke përfshirë edhe rritjen e pagës minimale, rritjen e të gjitha pagave të tjera, si dhe respektimin e marrëveshjes së përgjithshme kolektive për sektorin publik dhe nevojën e rritjes së pagave në sektorin publik për 12,6 për qind”, deklaroi Trendafillov.

Theksoi se në periudhën e ardhshme LSM do të vazhdojë të bisedojë për rritjen e pagave, duke theksuar se Qeveria nuk ishte kundër rritjes së pagës minimale.

“Qeveria në këtë moment nuk është kundër rritjes së pagës minimale, ndërsa kuptohet se biseduam edhe për rritjen e pagave në sektorin tjetër, veçanërisht për ministritë për të cilat LSM dhe Sindikata e AOJSHQ tashmë disa javë bisedojnë me Qeverinë, gjegjësisht atë që e kërkojnë punëtorët shtesë të pagës për 30 për qind”, tha Trendafillov.

Theksoi se periudhën e ardhshme të gjithë të punësuarit në sektorin publik duhet të marrin rritje të pagave të tyre, por, siç tha, dy sindikatat e tjera kërkojnë heqje të dispozitave të marrëveshjes së përgjithshme kolektive në procesin e rritjes së pagave në sektorin publik.

“Dëshirojmë të dërgojmë një porosi që në periudhën e ardhshme të gjithë punonjësit e sektorit publik, 128 mijë në numër, të kenë rritje të pagave, por e keqja është se dy sindikatat e tjera që morën pjesë në mbledhje kërkojnë që të shfuqizohen dispozitat e marrëveshjes së përgjithshme kolektive në procesin e rritjes së pagave në sektorin publik ose të zbatohet marrëveshja e përgjithshme kolektive që nuk do të zbatohet dispozita e cila nuk do të zbatohet. LSM, si nënshkruese, beson se marrëveshja e përgjithshme kolektive duhet të zbatohet në periudhën e ardhshme dhe me Qeverinë si nënshkruese në anën tjetër, jemi në dispozicion të ulemi dhe të diskutojmë të gjitha çështjet e diskutueshme”, tha Trendafilov.

Sipas Rallpovski, me rritjen e pagës minimale në 30.000 denarë do të përfshihen vetëm një pjesë e të punësuarve në shtet.

“Pyetja jonë për sindikatat e tjera ishte se me rritjen e pagës minimale në 30.000 denarë do të përfshihen 70.000 apo 80.000 punëtorë nga 700.000 të punësuar në vend. E pyetëm kryetarin nëse janë të gatshëm ta respektojnë Ligjin për pagën minimale, ne kemi marrëveshje kolektive në nivel dege, dhe nëse janë të gatshëm t’i subvencionojnë të gjitha këto dhe nëse mund t’i bëjnë ballë të gjitha, sepse në të kaluarën dhe tani ne kërkojmë vetëm respektimin e ligjeve dhe marrëveshjeve kolektive. Ajo që po kërkon LSM është populizëm”, theksoi Ralpovski.

Në pjesën e pagës minimale, theksoi se në takim ishte theksuar se Qeveria nuk është e gatshme t’i subvencionojë pagat, sepse, siç tha, ka pasur detyrim ligjor që të gjitha pagat në sektorin publik pastaj të rriten.

“Qeveria deklaroi, e udhëhequr nga kryeministri se nuk janë të gatshëm të subvencionojnë pagat, sepse kanë detyrim ligjor që të gjitha pagat në sektorin publik të rriten më pas, se nuk kanë rritje të tillë të planifikuar në buxhet, se do të ishte një barrë e madhe dhe se do të kishin probleme me faktorët ndërkombëtarë që janë kreditorë të këtij vendi. Por, çështja mbetet e hapur nëse gjendja ekonomike është më e mirë në periudhën e ardhshme, mund të ulemi dhe të bisedojmë me ta”, tha Rallpovski.

LSM në vitin 2023, shtoi, nuk janë pajtuar me dispozitat në marrëveshjen e përgjithshme kolektive rreth pjesës së rritjes së pagave.

“Si LSM nuk jemi pajtuar me dispozita të tilla në marrëveshjen e përgjithshme kolektive në lidhje me rritjen e pagave në vitin 2023. Në vitin 2024 ka paraparë rritje të pagave në sektorin publik për 0,7. Nëpërmjet sindikatave të degëve më në fund kemi luftuar për rritje më të mëdha në sektorin publik, shumë më të larta se paga minimale. Ajo marrëveshje e përgjithshme kolektive skadon në qershor”, tha Rallpovski.