Ejupi: Menaxhimi Rajonal i Mbeturinave do të mundësojë një aktivitet më të mirë ekologjik dhe kontroll të menaxhimit të mbeturinave
Sekretari i Shtetit në Ministrinë e Mjedisit Jetësor dhe Planifikimit Hapësinor, Resmi Ejupi, mbajti një fjalim hyrës në hapjen e Konferencës Partnere për Shërbime të Qëndrueshme të Menaxhimit të Mbeturinave, e cila u mbajt në kuadër të projektit “Menaxhimi i Qëndrueshëm i Mbeturinave në Nivel Lokal”.
Gjatë ngjarjes u promovuan politikat për menaxhimin e mbeturinave, u diskutuan strategjitë për përdorimin efikas të burimeve të disponueshme dhe u mundësua koordinimi i programeve dhe financimeve për të siguruar qëndrueshmërinë afatgjate të sistemeve të menaxhimit të mbeturinave, ndërsa kjo gjithashtu shërbeu si një platformë diskutimi ndërmjet autoriteteve kombëtare dhe lokale, komunitetit të dhuruesve dhe aktorëve të tjerë në fushën e menaxhimit të mbeturinave.
Konferenca erdhi në një moment të duhur, duke pasur parasysh se procesi i vendosjes së sistemeve rajonale për menaxhimin e mbeturinave është ende në fazat e hershme, dhe se menaxhimi i mbeturinave komunale vazhdon të hasë shumë sfida, probleme të pazgjidhura dhe aktivitete që duhet të realizohen, tha Ejupi në fjalimin e tij.
Ai theksoi gjithashtu se Ministria e Mjedisit Jetësor dhe Planifikimit Hapësinor ka ndarë tashmë mjete të pakthyeshme nga kredia e Bankës Europiane për Rindërtim dhe Zhvillim (BERZH) për rajonin Jugperëndimor dhe atë të Pellagoninë, në vlerë prej 47 milionë euro. Mjetet do të përdoren për blerjen e mjeteve dhe konteinerëve për mbledhjen e mbeturinave, ndërtimin e stacioneve të transferimit (Dibër, Ohër, Prilep), mbylljen e deponisë së mbeturinave në Novaci, ndërtimin e një reparti qëndror dhe ndihmë teknike, ndërsa është në proces edhe blerja e konteinerëve, koshave dhe pajisjeve për selektimin dhe mbledhjen e mbeturinave.
Vendosja e menaxhimit rajonal të mbeturinave do të mundësojë një kontroll ekologjik më të mirë të aktiviteteve të menaxhimit të mbeturinave, përmes uljes së depozitimit të mbeturinave, duke ulur sasitë e mbeturinave të hequra dhe duke rritur përdorimin dhe riciklimin e tyre, si dhe uljen e hedhjes së paligjshme, menaxhimin e deponive dhe vendburimeve ilegale. Për më tepër, kjo do të çojë në rritjen e të ardhurave, në rritjen e vendeve të punës në industrinë e mbeturinave, për rritjen e të ardhurave dhe Prodhimit të Brendshëm Bruto (PBB), si dhe zhvillimin e një ekonomie cirkulare që do të mundësojë përdorimin më të madh të burimeve, duke sjellë kështu rritje ekonomike, tha Ejupi, duke shtuar se autoritetet lokale duhet të vazhdojnë me procesin e nisur, që është e vetmja zgjidhje e qëndrueshme, ekonomike dhe afatgjatë për menaxhimin e sasisë së madhe të mbeturinave që hidhen ilegalisht.
Në ngjarje u mbajtën fjalime gjithashtu nga Ambasadorja e Suedisë në Maqedoninë e Veriut, Shkëlqesia e saj Ami Larson Xhain, Kreu i Delegacionit të BE-së, Stefan Hudolin dhe Zëvendësministri i Pushtetit Lokal, Erxhan Selimi.
Konferenca u organizua nga SALAR International, si pjesë e iniciativës të mbështetur nga Suedia për ndihmën në krijimin e një sistemi rajonal për menaxhimin e mbeturinave në rajonin e Pellagonisë dhe atë Jugperëndimor.
