Filipçe bën thirrje përsëri për takim liderësh duke përfshirë edhe partitë shqiptare

Lideri i LSDM-së Venko Filipçe sot sqaroi se në takimin e djeshëm me kryeministrin dhe liderin e VMRO-DPMNE-së Hristian Mickoski kanë rënë dakord që të bashkëpunojnë lidhur me agjendën reformuese të vendit të cilln siç shtoi ai e ka nisur LSDM.

Filipçe edhe një herë bëri thirrje për takim me liderët e të gjitha partive parlamentare, duke përfshirë edhe partitë e shqiptarëve. Ai e mohoi sërish se bëhet fjalë për takim monoetnikk, duke theksuar se kur bëhet fjalë për interesin e shtetit, partitë nuk duhet të ndahen.

“Takimi kaloi mirë dhe duhet të them në mënyrë konstuktive. Morëm qëndrim të përbashkët, që të gjejmë mënyrë, në të cilën do të punojmë në axhzendën reformuese, si kurrë më parë sipas shembullimit të demokracive të zhvilluara. Suedia ka një shembull të këtillë, Gjermania po, ne edhe më tej do të jemi politikisht të ndryshëm, por kur bëhet fjalë për shtetin duhet të ulemi të gjithë së bashku dhe t’i zgjidhmin problemet. Askush nuk ka mjaftueshëm kapacitet njerëzor dhe potencial që për një kohë të shkurtër të bëjë diçka. Dhe në këtë kuptim duhet të bahskohemi për çështjet më të rëndësishme”, tha Filipçe, i cili sot në Strumicë mori pjesë në një ngjarje me rastin e fillimit të fazës së dytë të projektit për lagje sociale.

Sqaroi se bëhet fjalë për axhendë reformuese për Planin e rritjes, të cilin e ka hartuar qeveria e LSDM-së dhe pastaj qeveria aktuale, të cilin e ka nënshkruar në Bruksel.

Duke folur për reagimet partiake nga blloku shqiptar, Filipçe sërish ka iniciuar takimin e liderëve.

“Kam bërë thirrje për takim të kryetarëve të të gjitha partive, njëri nga kryetarët e një partie shqiptare tha se do të ishte humbje kohe dhe tani po na akuzojnë për një lloj takimi monoetnik. Takimi lindi nga tragjedia e Koçanit kur pamë se ka çështje të rëndësishme për zhvillimin e shtetit, për të cilat duhet të bashkëpunojnë të gjitha subjektet politike, pavarësisht nëse kemi prapavijë të ndryshme politike, politika që i kemi zbatuar dhe planifikojmë t’i zbatojmë në të ardhmen”, tha Filipçe.