Filloi takimi mes Mickoskit dhe Filipçes në Qeveri (VIDEO)

Kryeministri Hristijan Mickoski dhe lideri i LSDM-së, Venko Filipçe, janë sot në takim në Qeveri. Filipçe, sipas njoftimeve, kryeministrit dhe liderit të VMRO-DPMNE-së do t’ia shpjegojë planin e tij për një strategji afatgjatë për shtetin, e cila do të përgatitej përmes dialogut politik.

Filipçe javën e kaluar njoftoi se do të iniconte një takim dhe kryeministri pranoi të takohen. Qeveria dje pasdite ka njoftuar se, duke marrë parasysh gatishmërinë e ndërsjellë për takimin, është caktuar për në orën 14:00.

Kryetari i partisë opozitare, Filipçe, dje në një konferencë për media bëri thirrje për dialog politik dhe social. Pas tragjedisë në Koçan, tha ai, qytetarët reaguan me revoltë pasi sistemi nuk po funksionon ashtu siç duhet dhe fajin, siç theksoi, e kanë të gjitha partitë politike: LSDM, VMRO-DPMNE, BDI. Në takim, sipas Filipçes, do të diskutohet edhe për çështjen e integrimeve evropiane dhe amendamentet kushtetuese.

Vlen të thekësohet se ky takim është pa asnjë nga partitë shqiptare madje as edhe nga VLEN si pjesë e qevrisë. Nga ana tjetër BDI sot ka reaguar për këto takime që bëhen dhe janë takime në dëm të shteti dhe shqiptarëve./TS/