Gjendet i vdekur alpinisti i zhdukur në Veles

Me tragjedi përfundoi kërkimi për alpinistin nga Velesi, Stojçe Pecevski, i cili ishte zhdukur në kodrën GROOT, afër Velesit. Institucionet kompetente konfirmuan se Pecevski është gjetur i vdekur.

Lajmin e bëri të ditur drejtori i Qendrës për Menaxhim me Kriza, Stojançe Angelov, i cili deklaroi se për momentin nuk ka detaje për shkaqet e vdekjes.

“Fatkeqësisht, personi është gjetur i vdekur. Nuk kemi informacione për shkaqet e vdekjes. Kërkimi zyrtarisht u udhëhoq nga MPB-ja dhe gjatë natës, përveç anëtarëve të familjes, në kërkim mori pjesë edhe alpinisti dhe shpëtimtari me përvojë Nadir Murseli. Në mëngjes nuk kishte kushte për kërkim me helikopter, por sapo kushtet klimatike lejuan ngritjen e helikopterit, personi i zhdukur u gjet i vdekur, menjëherë para se të ngrihej helikopteri i MPB-së,” deklaroi Angelov.