Haradinaj: Dënimi në Hagë ishte ‘puro politik’, ankesa ime për këtë gjykatë u pranua në Strasburg

Patrioti, ish-i burgosuri politik, ushtari e ish-komandanti i UÇK-së Nasim Haradinaj vjen në një rrëfim emocionues, të padëgjuar më parë, rreth aktivitetit të tij, familjes, burgosjes në Hagë e shumë tema të tjera, për dokumentarin “Expose”.

Duke folur për dënimin e fundit që kreu në Hagë, Haradinaj e ka cilësuar si ‘puro politik’ .. duke konfirmuar se tashmë i është pranuar edhe ankesa në Strasburg për këtë gjykatë.

Haradinaj tha se në raport me të burgosurit e tjerë ata kishin rregulla më strikte.

“Dënimin nga Gjykata Speciale as nuk kisha mundur ta imagjinoj, as mua dhe as askujt, pas çlirimit që do të ndodhte kësi dënimi, që thjesht është ‘puro politik’. Kështu që për mua ka qenë e papritshme mirëpo jo e papritshme nga themelimi i kësaj gjykate dhe llojin e kësaj gjykate që unë çdoherë e kam kundërshtu.Duke llogarit që ishte në mesin e Evropës, përpos atij standartit që ata e kanë, që është burg i marrë me qira që përpara ka qenë edhe i huazuar nga Tribunali, ishte një trajtim sa i përket vetë gardianëve normal që ishte trajtim njerëzor, adekuat, konform rregullave të cilat i ka vendos gjykata. Ne raport me të burgosurit e tjerë normal që kemi qenë në rregulla më strikte sepse aty varet nga kërkesa e vetë Gjykatës që i vendos ato” deklaroi Haradinaj.