Katër lojtarë të Arsenalit në dyshim për takimin ndaj Realit, Ancelotti vendosë për mesfushën

Reali i Madridit po përgatit atë që shpreson të jetë një tjetër rikthim i jashtëzakonshëm ndaj Arsenalit, ndërsa synon të përmbysë një disavantazh prej tre golash në “Santiago Bernabeu” të mërkurën.

Mikel Arteta po përballet me deri në katër pasiguri sa i përket përzgjedhjes së formacionit para se skuadra e tij të udhëtojë drejt kryeqytetit spanjoll.

Sipas Cadena SER, Jurrien Timber, Ben Ëhite, Jorginho dhe Thomas Partey janë të gjithë në dyshim për Arsenalin.

Timber ishte vlerësuar mjaftueshëm në formë vetëm për të nisur nga stoli kundër Brentford këtë fundjavë, ndërsa Ëhite mungoi tërësisht për shkak të një goditjeje para ndeshjes.

The Mirror shton se Jorginho është përjashtuar nga përballja me Realin për shkak të një dëmtimi që pësoi, ndërsa ekziston optimizëm për gjendjen e Partey, edhe pse ai ende mbetet në dyshim.

Nga ana tjetër, Carlo Ancelotti duket se ka vendosur për skuadrën që do të përballet me ekipin e Artetës.

Me Eduardo Camavinga të pezulluar pas kartonit të kuq javën e kaluar, italiani ka në dispozicion Fede Valverde, Aurelien Tchouameni, Luka Modric dhe Dani Ceballos, që u rikthye pas më shumë se një muaji ndaj Alaves këtë të diel.

Relevo raporton se Tchouameni, që edhe ai po kthehet nga një pezullim, dhe Ceballos, kundër ish-klubit të tij, do të jenë titullarët në mesfushë.

Lojtarët e vetëm të Real Madrid që mungojnë për shkak dëmtimi janë Dani Carvajal, Eder Militao, Ferland Mendy dhe Andriy Lunin.

Valverde ka gjasa të vendoset në krahun e djathtë të mbrojtjes, me Modric si opsion nga stoli – katërshja sulmuese me Rodrygo Goes, Vinicius Junior, Jude Bellingham dhe Kylian Mbappe do të ruhet në vijën e parë.

Edhe pse Jorginho me gjasë nuk do të kishte startuar, mungesa e tij do të thotë se Arteta nuk do të ketë një zë me përvojë në dhomat e zhveshjes dhe nga stoli. Për Ancelottin, padyshim është një rrezik të hedhë Ceballos që në fillim, por njëkohësisht, vetëm me të në formacion, Real Madrid ka konkurruar në mënyrë dinjitoze ndaj rivalëve të mëdhenj këtë sezon.