“Levica”: Toshkovski mbron familjen Saliu që udhëheq Drejtorinë për Mbrojtje dhe Shpëtim!

Hetimet selektive për tragjedinë në Koçanë qartë demostrojnë se Qeveria e Mickoskit me vetëdije mbron funksionarët që janë pjesë të koalicionit të tyre – thuhet në një reagim nga partia “E Majta”.

“Jashtë çdo normave juridike është fakti se si i dyshuar, në hetimet paraqitet vetëm ish-Drejtori i DMSH-së, derisa drejtorët aktual tërësisht janë përjashtuar nga përgjegjësia. Nga 2008 – 2017 me këtë institucion jofunksional udhëhiqte Shaban Saliu, momentalisht Ministër pa portofol në Qeverinë Mickoski. Nipi i tij, Kashmir Saliu, momentalisht është Zv/Drejtor i DMSH-së, sipas parimit për të kënaqur orekset koalicionuese, pa marrë parasysh kompetenca e një institucioni që duhet ta sigurojë sigurinë e qytetarëve. Në hetimet nuk është përfshirë as edhe drejtori aktual i DMSH-së, Xhevat Selami, I cili as që do të paraqitet në opinion si përgjegjës kryesor në zinxhirin e sistemit të mbrojtjes” – thuhet në reagimin e “Levicës”.

Sipas “Levicës” familja Saliu në afat më të gjatë kohor ka qenë e pranishme në menaxhimin me këtë institucion. Sipas tyre, në departamnetin rajonal të DMSH-së në Koçanë, që në vitin 2012 nuk është plotësuar vendi I punës për inspector për mbrojtje nga zjarri, pasi drejtori paraprak është pensionuar në mars të vitit të njëjtë, që sipas “Levicës”, Saliu më shumë se 5 vite e ka lënë Komunën e Koçanës pa inspektor.

“Derisa Toshkovski përhap demagogji se për këtë tragjedi katastrofike askush nuk do të përjashtohet nga përgjegjësia, faktet flasin se partnerët e tij të koalicionit, tërësisht janë të amnistuar. Është e palejueshme që në tragjedi të këtilla drejtësia të jetë selektive dhe pikërisht për këtë, Toshkovski nuk është i aftë për t`I tejkaluar interesat e ngushta partiake dhe duhet që menjëherë të dorëhiqet” – thuhet në reagimin e “Levicës”.