Lojtari i Premierligës është me një këmbë në Arabinë Suadite

E ardhmja e Jamie Vardyt duket gjithnjë e më larg stadiumit King Power. Në moshën 38-vjeçare dhe me Leicester City të rënë në Championship, të gjitha shenjat tregojnë se sulmuesi veteran po përjeton muajt e fundit në klubin ku arriti lavdinë në Premier League. Kontrata e tij skadon në qershor dhe, sipas mediave britanike, ai nuk ka ndërmend të marrë një vendim para fundit të sezonit.

Skenari më i mundshëm është që Vardy të zgjedhë një ndryshim të madh në karrierën e tij. Pas një jete të tërë të lidhur me futbollin anglez, sulmuesi është i hapur për të nisur një aventurë të re jashtë vendit. Në këtë kontekst, Arabia Saudite shfaqet si destinacioni më i mundshëm. Tregu saudit prej kohësh synon figura me përvojë, dhe Vardy përputhet në mënyrë perfekte me këtë profil: një golashënues, karizmatik dhe ende efektiv pavarësisht moshës.

Kontaktet me rrethin e tij tashmë janë bërë nga Lindja e Mesme, dhe oferta ekonomike që mund të marrë do të jetë e vështirë për t’u refuzuar. Shtuar kësaj është edhe fakti që Leicester po kalon një fazë rindërtimi pas rënies nga kategoria, ku Vardy nuk do të ketë më rolin që kishte më parë në këtë projekt të ri.

Edhe pse ende nuk ka një vendim përfundimtar, gjithçka tregon se lamtumira e Vardyt me “dhelprat” është e afërt. Arabia Saudite mund të jetë kapitulli i fundit në karrierën e shkëlqyer të një prej legjendave më të mëdha të futbollit modern anglez.