Mbi 2.000 viktima, 300 të zhdukur dhe 4.000 të plagosur pas tërmetit në Myanmar, shpallet një javë zie

Hunta ushtarake në Myanmar shpalli një javë zie pas tërmetit të fuqishëm që goditi rajonin, ku humbën jetën më shumë se 2.000 njerëz, rreth 300 janë të zhdukur dhe afërsisht 4.000 të tjerë janë plagosur.

Minutat e heshtjes do të fillojnë në orën 12:51 sipas kohës lokale, në momentin e saktë kur ndodhi tërmeti të premten, raporton BBC.

Ndihma ka mbërritur në Myanmar nga e gjithë bota, përfshirë ekipe nga Rusia, Kina dhe SHBA, por grupet e shpëtimit paralajmërojnë për mundësinë e shpërthimit të sëmundjeve, ndërsa infrastruktura e dobët dhe shumica e konflikteve civile pengojnë seriozisht përpjekjet për ndihmë.

Numri i viktimave në Tajlandë është 20, ndërsa besohet se rreth 70 njerëz janë bllokuar nën rrënoja në Bangkok.

Pas raporteve për vibrime dhe çarje tre ditë pas tërmetit të fuqishëm që goditi Myanmar dhe që u ndje edhe në vendet përreth, disa ndërtesa në Bangkok janë evakuuar si masë parandaluese, raportojnë mediat lokale. Bëhet fjalë kryesisht për ndërtesa administrative dhe biznesi.