Mexhiti: Me Kurtin dhe Mickoskin, do ta promovojmë sistemin “One Stop Shop”, më 14 prill

Zv.kryeministri i parë, Izet Mexhiti, në emisionin “Dialog te Lajmi”, ka njoftuar se më 14 prill do të vihet në funksion sistemi “One Stop Shop” në pikën kufitare Bllacë me Kosovën, ndërsa në promovimin e kësaj iniciative do të marrin pjesë edhe dy kryeministrat, ai i RMV-së, Hristijan Mickoski dhe ai i Kosovës, Albin Kurti.

“Ja do e shpalosi, më 14 prill dy kryeministrat bashkë me ne do të hapin “One Stop Shopin” në Bllacë dhe Jazhincë. I njejti do të jetë edhe në Tabanoc, do të ndërrohet ai sistem, do të zëvendësohet me “One Stop Shop”, tha Mexhiti, në emisionin “Dialog te Lajmi” që transmetohet sonte ora 19:00.

Sistemi “One Stop Shop” me Kosovën ishte paraparë të fillojë zbatimin nga 1 prilli, pork y vendim u shty më 14 prill 2025.

“Ky hap paraqet realizim konkret i bashkëpunimit bilateral ndërmjet Republikës së Maqedonisë së Veriut dhe Republikës së Kosovës, me çka në tërësi do të lehtësohet lëvizja ndërkufitare, do të ulet koha e pritjes dhe do të rritet efikasiteti i kontrolleve kufitare”, thuhej mes tjerash në njoftimin që bëri MPB-ja ditë më parë, për shtyrjen e fillimit të zbatimit të sistemin “One Stop Shop” me Kosovën.