Mickoski: Punojmë në drejtim të përmirësimit të standardit jetësor të qytetarëve- Të punësuarit në MPB morën pagë 10% më të lartë

Kryetari i Qeverisë së Republikës së Maqedonisë së Veriut, Hristijan Mickoski, sot duke u përgjigjur në pyetjen gazetareske lidhur me rritjen e pagave të policëve, deklaroi:

“Tani më punonjësit në Ministrinë e Punëve të Brendshme kanë marrë pagë 10% më të lartë më 1 prill. Edhe një nga premtimet është realizuar.

Pensionistët tashmë kanë marrë një rritje lineare prej 2.500 denarë dhe me ato 2.500 nga viti i kaluar, e përmbyllim ciklin me 5.000 denarë rritje lineare për pensionistët. Punonjësit në arsim, përveç rritjes së vitit të kaluar, do të kenë rritje edhe këtë vit, pasi të nënshkruhet marrëveshja që po harmonizohet në nivel pune dhe e njëjta gjë vlen edhe për punonjësit në shëndetësi.

Kështu që në kontinuitet gjithçka që bëjmë është në drejtim të përmirësimit të performancave ekonomike të qytetarëve tanë dhe do të vazhdojmë në këtë drejtim.“