Rezolutë e IGFM në Gjermani, kundër pabarazisë së shqiptarëve në Maqedoninë e Veriut

Më 29 dhe 30 mars 2025 në Bon të Gjermanisë u mbajt Konferenca e 53-të vjetore e organizatës botërore Forumi Ndërkombëtar për të Drejtat e Njeriut (ICHR – IGFM), ku mes qindra delegatëve nga e mbarë bota, mori pjesë edhe një delegacion nga Maqedonia e Veriut, i përfaqësuar nga kryetari i seksionit, Dr. Rexhep Emrullai dhe kryetari i nderit të kësaj organizate për Ballkan, z. Idriz Sinani.

Në këtë konferencë, para delegatëve është paraqitur edhe një projekt rezolutë, ku theksohet pabarazia e popullit shqiptar që jeton ne Republikën e Maqedonisë së Veriut, i cili ndodhet në një trysni të vazhdueshme nga shumica maqedonase.

Në këtë rezolutë theksohet diskriminimi i shqiptarëve nga shumë sfera, dënimet e rënda me burgje të përjetshme, montimi i rasteve të ndryshme gjyqësore, korrupsioni i shtrirë në të gjitha sferat, diskriminimi ekonomik, e të tjera.
Në tekstin e rezolutës theksohet se populli shqiptar që jeton në trojet e veta në Republikën e Maqedonisë së Veriut, është i detyruar të parashtrojë kërkesën për federalizimin e Maqedonisë së Veriut, si e vetmja rrugë që populli shqiptar ti gëzon të drejtat e veta të barabarta që janë të garantuara me rezolutat e OKB-së për vetëvendosjen e popujve (rezoluta nr. 637 e datës 16.12.1952, nr. 1514 e dt. 14.12.1960, nr. 1815 e dt. 14.12.1963, dhe rezoluta me nr. 2625 e datës 24.12.1970).

Megjithatë, këto aktivitete për drejtësi të seksionit të IGFM-së për Maqedoninë e Veriut, kanë shkaktuar reagimet e autoriteteve shtetërore maqedonase, të cilat e kanë ndalur z. Idriz Sinanin për disa orë në kufirin shtetëror të Maqedonisë së Veriut në Jazhincë dhe në Tabanoc, pra gjatë shkuarjes dhe gjatë kthimit nga konferenca e Bont të Gjermanisë. Paraprakisht më 13 mars ai ishte ndaluar për një orë rresht nga policia maqedonase edhe në kufirin e Bllatës në Dibër, pa ndonjë arsyetim të veçantë.

Vlerësojmë se kjo është një shkelje flagrante e lirive dhe të drejtave themelore të njeriut dhe kërkojmë që urgjentisht të hiqet ndalesa kufitare për kryetarin e nderit të këtij Forumi, z. Idriz Sinani.
Sa për ironi, derisa Maqedonia e Veriut e pengon lëvizjen e lirë të kryetarit të nderit të IGFM-së për Ballkan, veprimtarit të njohur Idriz Sinani, ai konferencën e lartpërmendur të Bonit u nderua nga kryesia e qendrore e organizatës me mirënjohje të veçantë pēr punēn dhe veprimtarinē shumëvjeçare, tẽ sinqertẽ e tē suksesshme. Mirēnjohja iu dhurua nẽ prezencēn e pjesmarrēsve tē Konferencēs sē 53-tē, nga Kryetari i IGFM-së, Prof. Dr. Thomas Paul Schirrmacher dhe sekretari i pērgjithshēm Matthias K. Boehning”, thuhet në njoftimin e ICHR – IGFM, Maqedoni e Veriut.