Siljanovska Davkova: Çdo fëmijë mund të vijë në shprehje nëse i jepet shansa

Presidentja e shtetit, Gordana Siljanovska Davkova sot i ka pritur prindërit e Shoqatës së qytetarëve për trajtim të personave me autozëm, ADHD dhe Sindromin Asperger “Në botën time” me rastin e 2 Prillit – Ditës botërore për ngritjen e vetëdijes për autizëm.

Siç informoi Kabineti i Siljanovska Davkovës, në takim prindërit kanë theksuar se ende janë vetë në luftën për përmirësiminh e jetesës së fëmijëve të tyre dhe se mungon zgjidhja sistematike e problemeve.

“Prindi, thonë, nuk ka mbështetje. Ka shumë pak asistentë personalë që i ndihmojnë, barra e rëndë bie mbi ta dhe prandaj disa prej tyre nuk funksionojnë. Në të njëjtën kohë, për shkak të mungesës së ndjeshmërisë, ata përballen çdo ditë me pamje të çuditshme dhe stigmatizime të fëmijëve të tyre. Gjëja më e dhimbshme dhe më e frikshme për ta, theksojnë ata, është kur mendojnë se kush do të kujdeset për fëmijën pas vdekjes së tyre”, thuhet në komunikatë.

Duke dëgjuar problemet me të cilat përballen prindërit, presidentja theksoi se fëmijët duhet të jenë gjëja jonë më e rëndësishme, pasi siç tha ajo, “jam e bindur se çdo fëmijë mund të vijë në shprehje nëse i jepet mundësia”.

Një problem madhor që e theksuan edhe prindërit, shtohet në komunikatë, është mungesa e mirëkuptimit dhe pranimit, “për fat të keq nuk diskutohet as brenda familjes”. Sipas prindërve, fëmijët duhet të mësojnë nga kopshti se disa nga moshatarët e tyre janë të ndryshëm nga ata dhe t’i pranojnë si të tillë dhe se vetëm në këtë mënyrë do të zhvillohet ndërgjegjësimi gjithëpërfshirës.

Nga shoqata “Në botën time” kanë bërë me dije se numri i personave me autizëm po rritet me shpejtësi dhe është rritur për 317 për qind që nga viti 2000.

“Për shkak të mungesës së një regjistri kombëtar, sipas statistikave të BE-së dhe OBSH-së, supozohet se janë 15.000 deri në 20.000 persona me autizëm, të cilët janë të pafuqishëm për të kuptuar gjendjen e spektrit të autizmit”, theksohet në komunikatë.