Të dielën pritet reshje bore dhe që temperaturat të ulen edhe nën zero

Në vendin tonë ditëve në vijim priten ulje të ndjeshme të temperaturave dhe mot me shi.

Sipas parashikuesve të motit, nga Drejtoria për çështje hidrometeorologjike, të dielën pritet që temperaturat të ulën edhe nën zero ndërsa në viset më të larta të ketë edhe reshje të dëborës.

“Ndryshim të theksuar të motit pritet nga dita e diele, kur edhe do të kemi një depërtim i shpejtë i një mase ajri të ftohtë nga veriu i cili do të shkaktoje reshje të shiut në vendet më të ulëta ndërsa në viset më të larta reshjet do të jenë me dëborë, kryesisht në pjesën perëndimorë të vendit. Temperaturat do të ulën të dielën pasdite dhe nga fillimi i javës së ardhshme do të kemi mot më të ftohtë me ere të fortë veriore e cila në disa vende do të kaloje shpejtësinë edhe mbi 70 kilometra në orë”, tha Lençe Rizova – parashikuese kujdestare e motit.

Sipas Lençe Rizova, parashikuese kujdestare e motit, mot i ftohtë dhe ulje e temperaturave do të kemi edhe pas ditës së hënë të cilat do të ulën në dy apo tre gradë ndërsa temperaturat minimale do të shkojnë nga minus një deri në minus shtatë gradë celsius.